INPÂKNA HLABU 54
54
Hmêlmaa inthawka vênghim dinga ṭawngṭâina Hla ṭhuoitu ta dingin, ṭingṭang chi tum tuma sak mi. David Maskil. Ziphhaiin Saula kuomah, “David kan kuomah ân bi- hmang naw am a nih?” an hung ti laia mi:
1Aw Pathien, i hmingin mi sandam la,
I hrâtnain ro mi rêlpêk rawh.
2Aw Pathien, ka ṭawngṭâina hi ngai la,
Ka baua thu suokhaia hin na lo sit rawh.
3Mi chapohai chun an mi thaw ta sih a,
Mi nunrâwnghaiin ka hringna hi sukbo tumin an zawng bawk a;
Pathien chu an hmaah an sie nawh.
4Ngai ta, Pathien chu a mi ṭhangpuitu a nih;
LALPA chu ka hringna cheltuhai laia mi a nih.
5Ama chun suolna chu ka hmêlmahai chungah thung a ta;
Nangin i thutakna lei chun anni chu sukbohmang rawh.
6Mâni nuomthua thilinhlânin i kuomah inthâwi ka tih:
Aw LALPA, i hming chu inpâk ka tih, a ṭha si a.
7Ka lunginzîngna po poa chun i mi sansuok ta sih a;
A mi dotuhai chunga ka duthusam chen chu ka mitin a hmu tah a nih.
Currently Selected:
INPÂKNA HLABU 54: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
