INPÂKNA HLABU 53
53
Mihriem indik nawna le rîtlona
(Sm 14.1-7)
Hla ṭhuoitu ta dingin: Mahalath-a sak ding. David Maskil
1 #
Rom 3.10-12 Mi invêt chun a lungrilin,
““Pathien hrim a um nawh,” a ti hlak a;
Tukhawm thil ṭha thaw hrim an um nawh.
An se zo a, thil suol tirdakum- tak an thawh a;
2Hrethiema Pathien zawng hrim hrim an um am? ti hmu dingin,
Pathienin vâna inthawkin mi- hriem nauhai hi a zuk en a.
3An kîr nâwk ta seng a, pawrchetakin an lo um ta vawng a;
Tukhawm thil ṭha thaw hrim an um nawh, pakhat bêk khawm an um dêr nawh.
4Thilsuol thawtuhai chun hriet hrim hrim an nei naw am a nih?
Bei an fâk angin ka mihai an fâk zo vawng hlak a,
Pathien hlak an ko ngai bawk nawh.
5Ṭitna hrim hrim um nawnaa chun ṭi êm êmin an um a.
Pathienin thaw tuma eptu che ruhai chu a sukdar ta sih a;
Pathienin anni chu a pei thlâk leiin i sukmuolpho tah a.
6 #
Sm 14.1-7 Israelhai sandamna chu Ziona inthawkin suok sienla chu aw!
Pathien chun a mihai sala an um chu a ṭhuoi kîr nâwk pha chun,
Chu pha chun Jakobrawi hlim tâng an ta,
Israelrawi lâwm tâng an tih.
Currently Selected:
INPÂKNA HLABU 53: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
