INPÂKNA HLABU 52
52
Rîtlona suong a hlâwk nawzie Hla ṭhuoitu ta dingin. David Maskil: Edom mi Doeg chun Saula kuomah, “David chu Abimelek inah a fe,” tia a hung hril laia mi.
1Aw mi hrât, iengdinga thil suksuol i sawng am a na?
Pathien zaidamna chu a um zing hlak a nih.
2Thil suol tak thaw i suongtuo hlak a,
I lei chu rêpvâw chem ngeitak ang a na,
Khêlhlip a sâksuok hlak.
3Ṭhat nêkin suol i ngaina lem a,
Thu indiktak hril nêkin khêlthu hril i ngaina lem bawk a.
4Aw, nang lei mi hlêmnghal,
Thu mi lem zo thei po po chu i ngaina hlak.
5Pathien chun kumkhawtluonga dingin sukse vêng a ti che,
Man a ti cheh a, i umnaa inthawkin kei dawk a ti cheh a,
Mi hring rama inthawk hin kei suok dai a ti che.
6Mi felhai khawmin an hmu chun ṭîng an ta,
Nuisan an tih.
7“En ta u, hi mi hi a nih,
Pathien a kulbînga siem nuom lo a,
A hausakna nasatak ring lem a,
A suolnaa insukhrât vei chu,” tiin.
8Kei ruok chu chu Pathien ina oliv thing inder hlut hlut ang ka na,
Pathien zainêmna chu kum- khawtluongin ring ka tih.
9Chu chu i thaw leiin kumkhuoin lâwmthu hril ka ti cheh a,
I mi inthienghai mithmua chun i hming chu nghâk zing ka tih, a ṭha sih a.
Currently Selected:
INPÂKNA HLABU 52: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
