INPÂKNA HLABU 51
51
Sukthienghlimna dinga ṭawngṭâina Hla ṭhuoitu ta dingin: David Inpâkna Hla. Bathseba a suolpui hnunga zawlnei Nathan a kuoma a hung laia mi
1Aw Pathien, i zainêm ang peiin mi lunginsiet la,
I lainatna nasatzie ang peiin ka bawsietnahai hi thaihmang rawh.
2Ka rîtlonahai hi mi sâwpfaipêk var la,
Ka suol hi mi sâwpfaipêk rawh.
3Ka bawsietnahai hi ka hriet ta sih a,
Ka suol hi ka hmaah a um rawp hlak a nih.
4 #
Rom 3.4 I chungah, i chung chauah thil ka suksuol a,
I mithmuah thil suol ka lo thaw tah a:
Thu i hrilin thiem în changtir thei a,
Ro i rêlin demkailo i ni theina dingin.
5Ngai ta, rîtlonaa inngîrin ka um a,
Ka nuin suolin a mi vawn a,
6Ngai ta, sûngril tiengahai hin takna i dit hlak a,
Chuongchun, ân lang naw tienga hin varna mîn hriettir i tih.
7Husopin mi sukfai la, chuong- chun, fai ka tih;
Mi sâwpfai la, chuongchun, vûr nêkin vâr ka tih.
8Hlimna lâwmna chu nain mîn hriettir la,
I ru sukthliekhai hi a hlim theina dingin.
9Ka suolnahaia inthawk hin i hmai thup la,
Ka rîtlona po po hi thaihmang rawh.
10Aw Pathien, keimaa hin lungril inthiengtak siem la,
Ka sûnga hin thlarau indiktak siem thar nâwk rawh.
11I kuoma inthawk hin mi peihâwn naw la,
I Thlarau Inthieng hi mi lapêk naw rawh.
12I mi sandam hlimna chu mi pe nâwk la,
Tiawina thlarauin mi chel zing la;
13Chuongchun, bawsetuhai chu i lampui chanchinhai inchûktir ka ta,
Chuongchun, mi suolhai chu nanga tieng ngha nâwk an tih.
14Aw Pathien, nang ka sandamna Pathien, thisen insuonahaia inthawk chun mi sanhim rawh;
Chuongchun, ka lei hin i felna thu hi hlimtakin hlaah sak a tih.
15Aw LALPA, nangin ka hmûr hi hawng la,
Chuongchun, ka bau hin inpâkna chu ân hriettir ding annâwm.
16Inthawina chungah lâwmna i nei si nawh a; chuong ni naw sien chu pêng ka tih;
Pumrawhmanga thilinhlân chungah lungawina hrim i nei nawh.
17Pathien dit zâwng inthawina chu thlarau lungriem ithlâk hi a na,
Aw Pathien, lungril lungriem ithlâk le insîr ngawi ngawi hi hmusit naw ti nih.
18I dit zâwng takin Zion chungah thil ṭha thaw la.
Jerusalem kul chu rem rawh.
19Chuongchun, felna inthawinahai chungah lâwmna nei tâng i ta, pum- rawhmang thilinhlân le pum- inhlân thil chunga chun:
Chuongchun, i mâichâm chunga chun bâwngchalhai inhlân tâng an tih.
Currently Selected:
INPÂKNA HLABU 51: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
