INPÂKNA HLABU 4
4
Pathiena innghat mi zân ṭawngṭâina Hla ṭhuoitu ta ding: ṭingṭang chi hran hrana sak mi. David Inpâkna Hla.
1Aw ka felna Pathien, ka ko pha che chun mi hung dawn la,
Ka lunginzîng chun nangin i mi sukthawveng hlak a:
Mi lunginsiet la, ka ṭawngṭâina hi mi ngaipêk la.
2Aw mihriem nauhai, ka ropuina hi ieng chen am muolphonaah in inchan ding a na?
Iengchen am thil teplo hi ngainâng in ta, khêlthu hi in zawng ding?
3LALPA chun Pathien ngaisak mi chu ama ta dingin a sie tum ti hi hre lem ro:
LALPA chun ka ko po leh ngai a tih.
4 #
Eph 4.26 Ṭi unla, thil suksuol naw ro;
In khumlaizâwla chun in lungrilah inngaituo unla, to ṭhiep ro.
5Felna inthâwinahai chu inhlân unla,
LALPAA chun ringna innghat ro.
6“Ṭhatna hrim hrim tuin am min hmutir a ti leh?” tituhai chu tamtak an um.
LALPA nang ngeiin i hmêl var khan mi hang ên rawh.
7Ka lungrila chun lâwmna i sie tah a,
An bu le an uoin hung hlâwk chânga
lâwmna an nei nêka nasa lem chu.
8Lungmuongtakin zâl ka ta, in ka tih:
LALPA nang ngei hi i nih, makhât chau khawma him- taka mîn umtir hlaktu chu.
Currently Selected:
INPÂKNA HLABU 4: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
