INPÂKNA HLABU 47
47
Pathien chu hnuoi chung po poa laltak a nih. Hla ṭhuoitu ta dingin: Kora naupasalhai Inpâkna Hla.
1Aw mi tinrênghai, in kut ben unla,
Hlimna râwlin Pathien kuomah khêk ro.
2LALPA Achunghnungtak chu ṭi a um sih a.
Hnuoi chung po poah Lal ropuitak a nih.
3Ama chun mi tin chu ei hnuoiah tukdawl a ta,
Hnam tin chu ei ke hnuoiah tukdawl bawk a tih.
4Ama chun ei rohluo ding chu mi thlangpêk a ta,
A hmangai Jakob sawngtak ram chu.
5Pathien chu khêkri leh a hang feh a,
LALPA chu tawtawrâwt ri leh a hang fe tah.
6Pathien inpâkin hla sak unla, inpâkin sak ro,
Ei Laltak inpâkna hla sak unla, inpâkin sak ro.
7Pathien chu khawvêl po po Lal a ni sih a,
Hrethiema inpâkin hla sak ro.
8Pathien chu hnam tin chungah Lalah a ṭhung a,
Pathien chu lalṭhungpha inthienga chun a ṭhung a,
9Mi tin laia milienhai chu an um khâwm a,
Abraham Pathien mihai ni dingin;
Leihnuoi phawhai chu Pathien ta a ni sih a,
Ama chu nasataka chawimawiin a um a nih.
Currently Selected:
INPÂKNA HLABU 47: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
