INPÂKNA HLABU 45
45
Lal ta dinga inneina hla Hla ṭhuoitu ta dingin: Sosanima sak ding Kora naupasalhai Inpâkna Hla. Maskil. Hmangaina Hla.
1Ka lungril hi thil ṭhain a liem zar zar a;
Laltak chungchâng thuha ka thil phuok chu ka hril ding a nih:
Ka lei hi lekhaziek thiemtak kawlawm a nih.
2Mihriem nauhai nêk hin i hmêl a ṭha lem a,
Lunginsietna hi i hmûra chun buok a nih;
Chuleiin, Pathienin kumkhuoa dingin mal a sâwm che a nih.
3Aw mi hrât, i kâwlhnâm i kâwngah vawng rawh.
I ropuina le i mawina leh.
4Thutak le thuhnuoirawlna le felna leiin,
I mawina inbelin, aitluongtakin sakawr chunga chuongin fe pei rawh.
Chuongchun, i kut changtieng chun thil râpthlâktakhai ân chûktir ding che a nih.
5I thal chu ân zum a,
Laltak dotuhai lungkhura chun ân bûr zing a,
Mi tin chu i hnuoiah an tlu hlak a.
6 #
Heb 1.8-9 Aw Pathien, i lalṭhungpha chu chatuonin a um ding a nih,
Thlierbîkna nei lona lalhmawl chu i ram lalhmawl chu a nih.
7Felna chu i ngainah a, rîtlona chu i theida kha;
Chuleiin, Pathien, i Pathien chun i ruolhai nêka nasain,
Hlimna hriek a nâl ta che hi.
8I silfên po po chu murra rim dâm, aloe rim dâm, thing- zungthak rim dâm ân nam rum rum a;
Saihaa siem lal inhaia ṭingṭang chi tum tum ri hung suokhai chun a sukhlim che a ni hi.
9I nuhmei ṭhahai laia chun lalhai naunuhai an ṭhang veh a,
I changtieng chun Ophir rângkachaka incheiin lalnu chu a ngîr a.
10Aw ka naunu, ngai la, ngaituo la, na sit rawh;
I mihai le i pa ina mihai chu theinghil rawh;
11Chuongchun, laltakin i hmêl ṭhatak hi a dit ding annâwm,
Ama chu i Lalpa a ni sih a; chuongchun, ama chu chibai bûk hlak rawh.
12Tura naunu chu thilpêk chawi- in chutaka chun um a ta,
Mi laia hausahai ngei chun i ditsakna hung ngên an tih.
13Lal in sûnga lal naunu chu a ropui vêl vawng a,
A silfên chu rângkachaka ṭiel mawi a nih.
14Puon ṭhui mawi silin laltak kuomah ṭhuoi an ta,
Ama zuitu nunghâk a ruolhai chu,
I kuomah ṭhuoi an tih.
15Lâwmtak le hlimtakin ṭhuoi an ta,
Laltak ina chun lût an tih.
16I pahai aiah i nauhai um an ta,
Anni chu hnuoi chung po poa hin milienah siem i tih.
17I hming hi suon po poa hriet zing dingin siem ka ta,
Chuleiin, mi tinin kumkhaw- tluongin lâwmthu hril an tih.
Currently Selected:
INPÂKNA HLABU 45: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
