INPÂKNA HLABU 44
44
Sansuokna hmasa le tuta buoinahai Hla ṭhuoitu ta dingin: Kora naupahai Inpâkna Hla. Maskil.
1Aw Pathien, tienlaia an dam laia i thilthawhai kha.
Kan thlatuhaiin an mi hril, kan nain kan hriet,
2Nangin i kutin hnam tin chu i hnawt suok a, anni chu i phun ta thung a,
Mi tin chu i sukrimsih a, anni chu în zârlientir thung a.
3Ram chu hluo dinga anni kâwl- hnâma an lâk a ni nawh a,
Anni bâna insandam an ni bawk nawh;
An chunga i lâwm leiin,
I kut changtieng le, i bân le i hmêl varin a ni lem.
4Aw Pathien, nang chu ka Lal i nih,
Jakob sanhimna dingin thu pe rawh.
5Nangma leiin a mi dotuhai chu sikthlûng kan ta,
I hming leiin a mi thawtuhai chu chîl hrep kan tih.
6Ka thalngul hi ka ring âwm si nawh a,
Ka kâwlhnâm hin mi sandam bawk naw ni.
7A mi dotuhaia inthawk chun nangin i mi sandam ta lem a,
A mi theidatuhai chu i sukmuolpho ta bawk a.
8Sûnnithlâkin Pathien kan sawng a,
I hming chu kumkhuoin inpâk bawk kan tih.
9Tu ruok hin chu nangin i mi ngaitha a, i mi sukzak a,
Kan sipai ruol lai hlak i suok ve ngai nawh a,
10A mi dotuhaia inthawk chun i mîn tlânsiettir hlak a,
A mi theidatuhai chun sum chu an nuom nuomin an lâk hlak.
11Nangin fâk dinga ruot berâm angin i mi pêk a,
Hnam tin lai chun i mi sukdar bawk a.
12I mihai hi iengkhawm niloah i zawr a,
An man chu i hausakpui chuong si nawh.
13Nangin kan vêla mihai hrilsietin i mîn umtir a,
Kan dep vêla mihai hmusit le nuisanin i mîn umtir bawk a.
14Nangin hnam tin lai chun a se tieng hrilkhinaah i mîn umtir a,
Mi tin laia mihai lu thinkhum- in i mîn umtir bawk a.
15Kân zakna hi sûnnithlâkin ka hmaah a um hlak a,
Ka muolphona hin a mîn khum zo tah,
16Hrilhnuoltu le hrilsetu râwl lei le,
Hmêlma le phubalatu leiin,
17Chuong po po chu kan chungah a tlung a; nisienlakhawm, kan theinghil ngai naw cheh a;
I thuthlunga hin a tehlêmin kan thaw ngai bawk nawh.
18Kan lungril hi a nghakîr nawh a,
Kan ke pênhai hin i lampui chu a pêtsan ngai bawk nawh.
19Nangin sihalhai umnaa mi sawisa hrepa,
Thina deihlima an mi khumna dingin.
20Kan Pathien hming chu theinghilin,
Ram dang pathien tienga kan kuthai kan phar chun amanih,
21Pathienin chu chu a zawng suok naw ding am a nih?
Lungril thup rûkhai hi a hriet zing sih a.
22 #
Rom 8.36 Anih, nangma leiin sûnni- thlâka thatin kan um hlak a,
Berâm that dinghai anga ngai kan nih.
23Aw LALPA, har ta la, ieng- dinga i in am?
Meng la, kumkhuo chun mi ngaitha naw.
24Iengleiin am i hmai i thup a,
Kan rinumzie le nêksâwr kan tuorzie hi i theinghil hlak chu?
25Kan hringna hi pilvut sikin a kûn a,
Kan phîng hlak hnuoiah a kawp tlat sih a.
26Mi ṭhangpui dingin tho la,
I ngilneina lei chun mi sansuok rawh.
Currently Selected:
INPÂKNA HLABU 44: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
