INPÂKNA HLABU 43
43
Rorêlna indik le sansuokna dinga ṭawngṭâina
1Aw Pathien ro mi rêlpêk la,
Pathien ngaisak naw hnam chunga hin ka thu mi hrilpêk rawh;
Aw, mi hlêmhmang mi indik nawa inthawk hin mi sanhim rawh.
2Nang chu ka hrâtna Pathien i ni sih a, iengdinga i mi ngaitha am a na?
Iengdinga a mi dotu nêksâwrna leia lungngaia kân vâi ruoi hlak am a na?
3Aw, i var le i thutak chu tir suok la, anni chun mi ṭhuoi sienla,
I tlâng inthieng le,
I umna chu mîn tlun raw se.
4Chuongchun, Pathien mâichâm kâwlah fêng ka ta,
Pathien ka hlimna bêk bêk kuoma chun:
Aw Pathien, ka Pathien, ṭingṭangin inpâk bawk ka ti che.
5Aw ka hringna, iengdinga i kûn zing am?
Iengdinga ka sûnga hin i buoi am a na?
Pathien beisei rawh, ama chu ka lân pâk ding a ni sih a.
Ka hmêl sukmawitu le ka Pathien chu.
Currently Selected:
INPÂKNA HLABU 43: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
