INPÂKNA HLABU 32
32
Ngaidamna hlutzie David Inpâkna Hla. Maskil.
1A bawsietna ngaidama uma, a suolna inkhuma um chu, a hamṭha,
2 #
Rom 4.7-8 Mi LALPAIN rîtlona neia a ruot naw,
A thlaraua hlêmna hrim hrim um naw chu, a hamṭha.
3Ka suol ka topui zing lai khan, sunnithlâka kân rûmna leiin,
Ka taksa hi a châu tiel tiel a.
4A sûn a zânin i kutin a mi del sih a;
Ka taksa hnâwngna khawm, ṭhâlrumin thil a sukdanglam angin, a hung danglam ta hiel kha.
5Ka suolna chu i kuomah ka phuong a,
Ka rîtlona chu ka ip ta nawh a,
“Ka bawsietna chu LALPA kuomah thupha châwi tâng ka tih,” ka tih a;
Chuongchun, ka suol rîtlona chu i lo ngaidam ta kha.
6Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se;
Tui lienhai chu a hung liem pha chun anni chu a chîm phâk vak nawna dingin.
7Nang chu kân bîkhmangna hmun i na, nang chun lunginzîngnaa inthawk mi humhim i ta,
Sanhimna hlahaiin mîn huolvêltir i tih.
8I fena ding lampui chu inchûk- tirin, kâwkhmûng ka ti cheh a,
Ka mita en zing pum chein rem ruotpêk ka ti che.
9Ngaituona nei naw sakawr ama- nih, sabengtung amani angin um naw ro,
Anni chun chelngîrna ding thîrbar amanih, keingîrna dinga hrui dâm an ṭûl hlak sih a;
Chuong naw chun i kâwl hnaiah hung naw ni hai.
10Mi rilo ta ding chun lungngaina tamtak um a ta,
LALPA ringtu ruok chu ngil- neinain inhuolvêl lem a tih.
11Mi felhai, LALPAA chun hlimin lâwm unla,
Lungril indiktak put po pohai, hlimin khêk ro.
Currently Selected:
INPÂKNA HLABU 32: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
