INPÂKNA HLABU 31
31
Ringna puongna Hla ṭhuoitu ta dingin: David Inpâk hla
1Aw LALPA, nangmaa chun ka ringna kân nghat hlak a,
Iengtika khawm muolphoin mîn umtir naw la:
I felna lei chun mi sanhim rawh.
2Keia tieng hin i na hung sit la, mi sanhim vat la,
Ka ta dingin lungpui dettak, mi sandam dinga humhimna in, hung ni rawh.
3Nang chu ka lungpui le ka kulpui i ni sih a;
Chuleiin, i hming leiin mi ṭhuoiin mi kei rawh.
4Ka âwkna dinga a rûka lên an phaha inthawk hin mi kei suok la,
Nang chu ka kulbîng i ni sih a.
5 #
Lk 23.46 I kutah ka thlarau kân kawl- tir a,
Aw LALPA, thutak Pathien, nang chun i mîn tlan tah.
6Milim teplo mei mei ngaisâng- tuhai chu ka theida a,
Kei ruok chun chu LALPA ka ring a nih.
7I ngilneina lei hin hlimin lâwm ka tih.
Ka lunginzîngna hi i hmu si hlak a,
Ka hringna hi a rinum lai khawmin i hriet hlak.
8A mi dotuhai kutah nangin i mi khum nawh a,
Ka ke hi hmun inthâwltakah în nghat ta lem a.
9Aw LALPA, mi lunginsiet la, lunginzîngin ka um sih a,
Ka mit hi lungngaina leiin a chau deu deu a, anih, ka hringna le ka taksa chenin.
10Ka dam sûng hi lungngainain a liem ta sih a, ka kumhai hi inrûmin a liem ta bawk a nih.
Ka rîtlona leiin ka tha a ṭhum a, ka ruhai khawm a rawp zo tah a.
11A mi dotuhai leiin ka hming hi a hung se tah a,
Anih, ka vênghai lai khawm nasatakin a se tah a nih, ka hmêlhriethai ta ding khawm- a ṭiumtak ka lo ni tah a:
Khawlaia mi hmutuhai khan an mi tlânsan ta sih a.
12Mi thi an theinghil ang taka theinghilin ka um a,
Bêl kawi ang el ka hung ni tah a.
13 #
Jer 6.25; 20.3,10; 46.5; 49.29 Mi tamtak mi hêkna ka hriet sih a,
Ka vêla ṭium um chu:
An mi phier lai khan,
Ka hringna mi lâkpêk an tum a.
14Nisienlakhawm, aw LALPA, ka ring cheh a,
“Ka Pathien i nih,” ka tih a.
15Ka hunhai chu i kutah a um a,
A mi dotuhai le a mi suknawmnatuhaia inthawk hin mi sanhim rawh.
16I hmêlin i siehlaw hi hung sunvar la,
I ngilneina leiin mi sandam rawh.
17Aw LALPA, muolphoin mîn umtir naw la, ka ko si cheh a:
Mi rilohai chu muolphoin um hai sienla,
Seolah to zingin um raw se.
18Hmûr khêlhliphai chu ṭawng theiloin um raw se,
Chuonghai chun chapo le hmusit pumin,
Ṭawng chapotakin mi fel an hrilsiet hlak a.
19Aw i ṭhatna, nangma ṭituhai ta dinga în khâwl chu a va nasa de;
Mihriem nauhai mithmuha nangmaa ringna innghattuhai ta dinga i thawpêk chu.
20Anni chu mihriem phiernaa inthawk chun i humhimna mithmuah thuphmang i ta,
Hnuoi sêlhrâtnaa inthawk chun bûktêah sie rûng i tih.
21LALPA chu inpâkin um raw se,
A ngilneina maktak chu khaw- pui dettakah a mîn hmutir sih a.
22Kei hlak chun, ka lunginzing- in,
“I mithmuah inthawka pei hmangin ka um tah,” ka lo tih a.
Nisienlakhawm, ka ko che khan, lunginsiet ka hnina râwlhai kha i lo hriet sih a.
23Aw a mi inthieng po pohai,
LALPA chu hmangai ro:
LALPA chun mi ringum chu a humhim a,
Chapotaka thawtu chu nasatakin a thung hlak.
24LALPA beiseitu po pohai,
Hrâttakin um unla, in lungril chu insukhuoi raw se.
Currently Selected:
INPÂKNA HLABU 31: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
