INPÂKNA HLABU 30
30
Thinaa inthawka sansuokna leia lâwmthu hrilna Inpâkna Hla: Pathien kuoma Biekin Inhlânna Hla. David Inpâkna Hla
1Aw LALPA, chawimawi ka ti che, nangin i mi dawm sâng sih a;
A mi dotuhai chu mi diriem dingin i siem nawh a.
2Aw LALPA ka Pathien,
Ka ko cheh a, nangin i mi sukdam tah a.
3Aw LALPA, nangin ka hringna hi Seola inthawk chun i ṭhuoi suok a:
Khur sûnga ka ṭum nawna dingin, nangin i mi hum dam sih a.
4Aw a mi inthienghai,
LALPA inpâkin hla sak unla,
A hming inthieng chu inpâk ro.
5A lungsen chu mitkhap kâr chaua ding a ni sih a;
A ditsakna ruok chu dam sûnga ding a nih.
Ṭapna chun zânkhuo a dai thei a,
Hlimna ruok chu zîngkâr a hung tlung hlak.
6Kei chun chu ka hlawtling lai chun,
“Iengtika khawm inhnîng naw ning,” ka tih a.
7LALPA, nangin i ditsakna leiin ka tlâng chu i lo inngîrdettir tah a:
Nisienlakhawm, i hmai i thup a, ka lo lunginzîng tah a.
8Aw LALPA nang ka ko cheh a,
LALPA kuoma ngei chun lungsietna ka hni kha:
9Khur sûnga ka zu ṭum chun ka thisena hin hlâwkna ieng am um a ta?
Pilvut chun ân pâk ding che am a nih?
I thutak chu ân hriettir ding am a nih?
10Aw LALPA, lo ngai la, mi lunginsiet rawh:
LALPA, nang chu mi ṭhangpuitu ni rawh.
11Ka mithi ngaina chu ka ta ding- in lâmnaah în changtir a,
Ka saiip puon chu i mi hlîppêk a, ka kâwngah hlimnain i mi khit tah a:
12Ka ropuina#Hringna hi to zing loa, nangma inpâka hla a sakna dingin,
Aw LALPA ka Pathien, kumkhuoin lâwmthu hril rawp ka ti che.
Currently Selected:
INPÂKNA HLABU 30: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
