INPÂKNA HLABU 29
29
Thlipui laia Lalpa râwl David Inpâkna Hla
1 #
Sm 96.7-9 Aw mi thilthawtheitak nauhai,
LALPA kuomah pe unla,
LALPA kuoma chun ropuina le hrâtna pe ro.
2LALPA kuomah a hming ropuina chu pe unla,
Inthieng mawina inbelin LALPA chu chibai bûk ro,
3LALPA râwl chu tuihai chunga chun ân rih a,
Ropuina Pathien chu a hung inri dur dur a,
LALPA ngei chu tui tamtak chunghaia chun a hung in- rih a,
4LALPA râwl chu thilthawtheitak a na,
LALPA râwl chu ropuitak a nih.
5LALPA râwl chun Sidar thinghai chu sukthliek a ta,
Anih, LALPA chun Lebanon tlânga sidar thinghai chu a sukthliek seng sung hlak.
6Bâwngte tuoltla angin ân changtir hlak a,
Lebanon chu bâwngte tuoltla angin ân châwmtir hlak a,
Sirion tlânghai chu ramsiel tê ang elin.
7LALPA râwl chun meichawkhai chu a thlêr hlak a.
8LALPA râwl chun thlalêr a tlawr hnîng a;
LALPA chun Kades thlalêr chu a sukhnîng hlak.
9LALPA râwl chun sazukpui chu tê ân siettir a,
Rampui thinghnahai chu a nuoi kawl vawng hlak a:
A biekina chun thil iengkimin, “A ropui ie,” an ti seng hlak.
10LALPA chu Tuilêt lai khan lalah a ṭhung a,
Anih, LALPA chu kumkhuoa dingin lalah a ṭhung a nih.
11LALPA chun a mihai kuomah hrâtna pêng a ta,
LALPA chun a mihai chu thla- muongnain malsâwm a tih.
Currently Selected:
INPÂKNA HLABU 29: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
