INPÂKNA HLABU 28
28
Ṭhangpuina ngênna le a dawnna thua inpâkna David Inpâkna Hla
1Aw LALPA, ka ko ding che a ni hi,
Ka lungpui, keimaa inthawk hin i na chu suksêt naw la;
Chuong naw chun, nangin i mi tosan chun,
Khur sûnga zu fehai ang elin hung um rawi ka tih.
2Ka ko cheh a, ka kuthai hi i biekna hmun inthieng tieng ka phar chun,
Lunginsiet ka hnina râwlhai hi lo ngai rawh.
3Mi rilohai le thil suksuolhai laia chun,
Mi hnûkhmang sa naw rawh.
Chuonghai chun an vênghai kuomah inremnna thu an hril hlak a,
Nisienlakhawm, an lungrilhaia chun thil suksuolna a um zing sih a.
4An thilthaw ang pei le, an thilthawhai a suolzie ang peiin thung la,
An kuta an sinthaw ang peiin thung la;
An suol man chu inhmutir rawh.
5 #
Tp 22.12 LALPA sinthawhai le,
A kuta a thilthaw chu an ngaisak naw leiin,
Ama chun anni chu siemṭha loin suksieng a tih.
6Lunginsiet ka hnîna râwlhai hi a ngai hlak leiin,
LALPA chu inpâkin um raw se.
7LALPA chu ka hrâtna le ka phaw a na,
Ka lungril hin ama chu a ring a; chuongchun, sanin ka um a,
Chuleiin, ka lungril hi nasatakin a hlim a,
Ka hla chun ama inpâk ka tih.
8LALPA chu an hrâtna a na,
A hrieknâl ta ding chun sandamna kulbîng a nih.
9I mihai chu sandam la, i rochan chu malsâwm rawh:
Anni chu châwm la, kumkhuoin pawm rawh.
Currently Selected:
INPÂKNA HLABU 28: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
