INPÂKNA HLABU 27
27
Lalpa chu ka var le ka Sandamna a nih David Inpâkna Hla
1LALPA chu ka var le ka sandamna a nih, tu am ṭîng ka ta?
LALPA chu ka hringna kulbîng a nih; tu am ṭîng ka ta?
2Thil ṭha naw thawhai, mi dotu- hai le ka hmêlmahai chun, ka sa fâk tuma an mi thaw lai khan,
An insui a, an tlu tâwl tah a.
3Sipai pâwlhai chun mi thaw tumin mi ep zing hai sienla khawm,
Ka lungril hin ṭi naw ni;
Ka chungah indona hung suok sienla khawm,
Chuong ang a khawm chun ring tlat ka tih.
4LALPA kuomah thil pakhat ka hnih a, chu mawl chu zawng ka tih,
LALPA mawizie hmu ding le a biekina thu indawn dingin,
Ka dam sûng poa LALPA ina ka um zing theina ding chu.
5Lunginzîng ni chun a bûktêah a mi sie hmang âwm sih a,
A humhimna puon ina chun mi thuphmang a tih;
Lungpui chungah mi dawm kai a tih.
6Tuhin chu a mi dotu, a mîn huolvêltuhai chungtieng ka lu hi dawm kângin um a tih,
Chuongchun, a puon ina chun hlimna inthâwinahai inhlân ka tih;
Hla sak ka ta, anih, LALPA inpâkin hla sak ka tih.
7Aw LALPA, ka râwla ka ko che chun lo ngai la,
Mi lunginsiet la, mi dawn bawk rawh.
8“Ka hmêl zawng ro,” tih a i hril lai khan, ka lungril chun i kuomah,
“LALPA, i hmêl zawng ka tih,” a tih a.
9Ka kuoma inthawk hin i hmai thup naw la,
I siehlaw hi i lunginsenin sukbohmang naw la,
Nang chu a mi ṭhangpuitu i ni hlak a,
Aw a mi sandamtu Pathien, mi pei thla naw la, mi mâksan lul naw rawh.
10Ka nu le pa chun an mi mâksan ta sih a,
Nisienlakhawm, LALPA chun mi la pawm a tih.
11Aw LALPA, i lampui chu mîn entir la,
Ka hmêlmahai lei hin,
Lampui inpheitakah mi ṭhuoi rawh.
12A mi dotuhaiin nuom nuoma an mi thaw dingin mi pe lul naw la,
Hretu tehlêm chun an mi thawh a, nunsiet thu sâksuok hlaktuhai chun.
13Mi hring rama hin,
LALPA ṭhatna hmu inring naw lang chu ka chau ta ding a nih.
14LALPA chu nghâk zing rawh,
Hrâttakin um la, i lungril chu insukhuoi raw se;
Anih, LALPA chu nghâk zing rawh.
Currently Selected:
INPÂKNA HLABU 27: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
