INPÂKNA HLABU 26
26
Mâni felna thu inhriettirna David Inpâkna Hla
1Aw LALPA, ro mi rêlpêk rawh, lungril ṭhatak putin ka um sih a,
Ringhla loin LALPA chu ka ring bawk a.
2Aw LALPA, mi enfiein mi fie la,
Ka lungril le ka lungvar hi sukthieng la,
3I ngilneizie chu ka hmaah a um sih a,
I thutaka chun ka um rawp bawk a.
4Mi hmangnabohai kâwlah ka ṭhung ngai nawh a,
Mi vervêkhai kuoma khawm ka lût ngai bawk nawh.
5Thil ṭha naw thawtuhai inkhâwm chu ka theidah a,
Mi rilohai kâwlah ṭhung naw ningah.
6Ka kuthai hi demkailonain sâwp ka ta,
Chuong ang chun, aw LALPA, i mâichâm chu fe huol ka tih.
7Lâwmthu hrilna ka sukrîk thei a,
I thilmak thaw po po thuhai chu ka hril theina dingin.
8LALPA, i umna in chu ka ngaina a,
I ropuina umna khawm chu.
9Mi suolhai laia chun mi peisa naw la,
Ka hringna khawm hi thisen insuo hmanghai lai chun la sa bawk naw rawh.
10An kuta chun ngaituona suol a um a,
An kut changtieng chu thamnain a sip a;
11Nisienlakhawm, kei chu lungril ṭhatak putin um ka tih,
Mîn tlan la, mi lunginsiet rawh.
12Ka ke hi hmun inzâwltakah a ngîr a,
Inkhâwmnaahai chun LALPA chu inpâk ka tih.
Currently Selected:
INPÂKNA HLABU 26: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
