INPÂKNA HLABU 17
17
Dotuhaia inthawka vênghima umna dinga ṭawngṭâina David ṭawngṭâina
1Aw LALPA, ka felna thu hi hre la, ka khêk ri hi ngâi bawk la,
Ka ṭawngṭâina, khêl hril hmang hmûra inthawka suok ni loa hin na lo sit la.
2Ka chungthua thu tlûkna chu i hmaa inthawka suok ni sienla,
I mit chun thlierbîk nei nawna en raw se.
3Ka lungril hi i fieh a, zânah nangin i mi hung sir a;
I mi fie tah a, iengkhawm i hmu si nawh a;
Ka baua hril suol lo chu ka tum tlat a nih.
4Mihriem thilthawa chun chu, i hmûra thu suok leiin,
Mi nunrâwng lampui chu hraw lo dingin kân vawng ṭha a nih.
5Ka ke kalchawihai hin i lampui chu a hraw tlat a,
Ka kehai hi ân tleu ngai si nawh.
6Aw Pathien, ka ko hlak cheh a, nangin i mi dawn âwm sih a,
Keia tieng hin i na hung sit la, ka thu hril hi ngai rawh.
7Aw nangmaa ringna innghattu taphawt anni thawtuhaia inthawka i kut changtienga sandam hlaktu.
I ngilneizie maktak chu inlangtir rawh.
8Mit nautê angin mi kawl ṭha la,
I thla hnuoiahai chun mi thup rawh,
9Mi rilo mi suksetu,
Thipui thei ka hmêlmahai, a min huol vêl tlattuhaia inthawk hin.
10Anni chu anni thâu vêka inhuonin an um a,
An bauin chapotakin an ṭawng hlak.
11Tuhin chu kan kalchawina taphawtah an mîn huol vêl tah a,
Hnuoia mi sukthlu dingin an mithai chu kan chungah an infûktir zing a.
12Ama chu sakeibaknei sa se inhâwktak ang le,
Sakeibaknei vânglai, hmun fienrielhaia bawk zing ang chu a nih.
13Aw LALPA, tho la, ama chu hmasawn la, inkûntir tlat rawh,
Ka hringna hi mi rilohaia inthawk chun i kâwlhnâmin sanhim la,
14Aw LALPA, i kutin mihriem- haia inthawkin,
Khawvêl mihriemhaia inthawk hin sanhim la,
Anni chanvo chu hi dam sûnga an nei hi a na,
An phîng chu i roin i suksippêk hlak a;
Nauhai lungawi tâwk zetin an nei a,
An sum hmang mahla chu an nautesenhai an thisanpêk hlak.
15Kei ruok chun felna neiin i hmêl hmûng ka ta,
Nanga angna neia ka meng pha chun lungawi tâwk zet tâng ka tih.
Currently Selected:
INPÂKNA HLABU 17: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
