INPÂKNA HLABU 18
18
David a sansuokna hla
(2 Sam 22.1-51)
Hla ṭhuoitu ta dingin Lalpa siehlaw David inpâkna hla. Ama dotuhai po po le Saula kuta inthawka LALPAIN a sanhim ni chun hi hla thuhai hi LALPA kuomah a hril a, hieng ang hin a hril a:
1 #
2 Sam 22.2-51 Aw LALPA ka hrâtna, ka hmangai che.
2LALPA chu ka lungpui le, ka kulpui le a mi sanhimtu a nih;
Ka Pathien, ka lungpui dettak a nih, amaa chun ka ringna innghat ka tih;
Ka phaw le, ka sandamna ki le, ka kulbîng insâng a nih.
3Inpâktlâk LALPA chu ko ka ta,
Chuongchun, a mi dotuhaia inthawkin sanhimin um ka tih.
4Thina hruihruolhai chun a mi zem a,
Pathien ngaisak nawna tuilienhai chun a mi sukṭi bawk a.
5Seol hruihruolhai chun a mi khuop tlat a,
Thina chânghai chun a mi âwk a;
6Ka lunginzîngin LALPA chu ka ko hlak a,
Ka Pathien ka ko hlak;
Ama chun a biekina inthawk chun ka râwl chu a hriet a,
A hmaha ka khêkri chu a naah a lût tah a.
7Chu phingle chun hnuoi hi ân hnîng a, ân thin tah a,
A lunginsen leiin tlânghai khawm chu,
Ân nghatna pumin ân thinin ân hnîng tah a.
8A hnâra inthawk chu meikhu ân tung ta ngut ngut a,
A baua suok mei chun a kâng ta dur dur a;
Chu chun meihawl khawm chu a sukchawk ta hum hum a.
9Ama chun vânhai khawm chu ân kûntir a, a ṭum tah a.
A ke hnuoia chun inthim sâmup hi a hung um tah a.
10Cherub chungah a chuong a, a vuong tah a;
Anih, thli thlaahai chun a vuong thuok thuok a.
11Inthim hi ân bîkhmangna hmunah, ama inhuol vêlna bûktêah a siem a,
Tuia inthimna vâna sûm sâmuphai chu.
12A hmaa vara inthawk chun a sûm sâmuphai chu an inkieng a, #“Sûmhai chu fe thlengin” tia ziekna khawm a um.
Ṭêk le rielhai chu a tla ta ur ur a#Rielhai le meilinghai chu a tla dur dur a
13LALPA chu vânahai khin ân ri ta dur dur bawk a,
Achunghnungtak chun a râwl ân suoh a,
Rielso le ṭêk mei inhlap ri ân ri rum rum a
14Chun, a thalhai chu a kâp suok a, anni chu a sukdar a,
Anih, kâwlhai ân leptir zawt zawt zing a, a sukbuoi tâwl tah a.
15Chu phingleh, Aw LALPA, i kâwkna leiin,
I hnâra inthuok suok chun a mût rak leiin,
Tui luongnahai chu a hung inlang a;
Leilung innghatna chu suklangin a um tah a.
16Ama chun chungtienga inthawkin a hung ban a, a mi chel a;
Tui tamtaka inthawk chu a mi kei suok tah a.
17A mi dotu hrâttaka inthawk chun a mi sanhim tah a;
A mi theidatuhaia inthawk khawmin;
Keia ta ding chun an hrât talaw sih a.
18Anni chun ka vângduoi ni chun an mi thawh a,
Nisienlakhawm, LALPA chu ka sawng tak a nih.
19Ama chun hmun inthâwltakah a mi ṭhuoi suok a,
Ka chungah a lâwm leiin a mi lo sanhim tah a nih.
20LALPA chun ka felzie ang ngeiin ka chungah a thawh a,
Ka kuthai ân thieng ang ngeiin a mi thung a nih.
21LALPA lampuihai chu ka hrawh a,
Ka Pathien kuoma inthawkin rilotakin ka fe hmang ngai si nawh a.
22A dânhai po po ka hmaah a um hlak a,
A thuruothai chu ka pei ngai si nawh a.
23Ama kuoma chun demkailo ka lo na,
Ka khawhlonaa inthawk chun kân siekieng hlak.
24Chuleiin, LALPA chun ka felzie ang peiin a mi thung tah a,
Ka kuthai a mithmuah ân thieng ang peiin.
25Mi lunginsietthei tak kuoma chun lunginsietthei takin insuklang i ta,
Mi ṭha famkim kuoma chun ṭha famkimin insuklang i tih.
26Mi inthieng kuoma chun inthiengin insuklang i ta,
Chun, mi kâwmaw kuoma chun kâwmaw takin insuklang i tih.
27Rinum tuor mihai chu i sandam ding a ni sih a,
Mi chapohai ruok chu suktlâwm i tih.
28Nangin ka khâwnvar hi i mi sitpêk ding a ni sih a,
LALPA ka Pathien chun kân thimna hi sukvar a tih.
29Nangma iṭhangpuiin, râl ka baw sih a,
Ka Pathien ṭhangpui bawkin kul bang chu châwm hlîm ka tih.
30Pathien chu a lampui chu a ṭhafamkim a,
LALPA thu chu fie a ni tah a,
Amaha ringna innghattuhai po po ta ding chun ama chu phaw a nih.
31LALPA naw chu tu am Pathien a um a?
Ei Pathien naw chu tu am lungpui a um a?
32Hrâtnaa ka tâia mi khittu le,
Ka lampui sukṭha famkimtu Pathien chu.
33Ama chun ka ke hi sazukpui ke angin a siem a,
Ka hmun insângtakahai a min umtir hlak a.
34Ka kuthai hi râl kâp dingin ân chûktir hlak a,
Chuongchun, ka bânhai hin dâr thalngul a kuoi zo hiel a.
35Nangin i sandamna phaw chu i mi pêk bawk a:
I kut changtiengin i mi kei a,
I inngaitlâwmna chun a mi siem lien tah a.
36Ka hnuoia ka kalchawina chu i suklien a,
Chuongchun, ka kehai hi ân tleu nawh.
37A mi dotuhai chu hnawt ka ta, hnawt phâk el ka tih,
Sukbohmanga an um hmakhat chun nghakîr ta naw bawk ka tih.
38An tho nâwk thei nawna dingin sât sawk ka ta,
Ka ke hnuoia hin tlu tâwl an tih.
39Nangin inthawnaa ding chun hrâtnain ka tâiah i mi khit a,
A mi hung thawtuhai chu ka hnuoiah i suktlâwm tah a.
40A mitheidatuhai chu ka sukbohmang theina dingin,
Nangin a mi dotuhai chu hnung mîn nghatin în umtir ta bawk a.
41Anni chu an khêk a, nisienla- khawm, sandamtu ding tukhawm an um si nawh,
LALPA ngei chu an ko va, nisienlakhawm, a dawn si nawh.
42Chu phingleh, pilvut thli ilên ang el hin ka vuok nâwi neng a,
Tuollaia chirhak ang el hin ka peihâwn tah a.
43Nangin mihai insuolnaa inthawk chun i mi sanhim tah a,
Hnam tinhai lua chun i mi siem tah a.
Ka hriet ngailo mihai chun ka rawng bâwl tâng an tih.
44Ka chanchin an hriet phingleh ka thu awi an ta,
Hmêlmak mihai chu ka kuomah intuklût an tih.
45Hmêlmak mihai chu hung zuoi an ta,
An kulbînga inthawk chun inthin pumin hung suok an tih.
46LALPA chu a hring zing a, ka lungpui chu inpâkin um raw se,
A mi sandamtu Pathien chu chawimawiin um raw se.
47Phuba mi lapêktu le,
Mi tin ka hnuoia suktlâwmtu Pathien ngei chu.
48Ama chun a mi dotuhaia in- thawk chun a mi sansuok a,
Anih, nangin a mi thawtuhai chungtieng chun i mi dawm kâng a,
Mi nunrâwnga inthawk chun i mi sanhim hlak.
49 #
Rom 15.19 Chuleiin, aw LALPA, hnam tin lai chun lâwmthu hril ka ti cheh a,
I hming inpâkin hla sak bawk ka tih.
50Ama chun hnena ropuitak a lal siem kuoma chun a pêk hlak a,
A hrieknâl chungah,
David le a thlahai chung ngeia chun,
Kumkhawtluongin a ngilneizie inlangtir a tih.
Currently Selected:
INPÂKNA HLABU 18: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
