INPÂKNA HLABU 16
16
Ro hlutak chu David Miktam
1Aw Pathien, mi humhim rawh, nangmaa chun ka ringna kân nghat si hlak a.
2LALPA kuoma chun, “Nang chu ka LALPA i na,
Nangmaa naw chun thil ṭha hrim ka nei nawh,” ka tih a.
3Hnuoia mi inthieng umhai thua chu,
Anni chu mi ṭha, ka lâwmna po po umnahai chu an nih.
4LALPAA pathien dang thleng- tuhai chu an lungngainahai la pung a tih,
An thisen inhlân dâwn mihai chu dâwn ve naw ningah a,
Ka hmûr khawma an hminghai lam bawk naw ning.
5LALPA chu ka rochan ding le ka no chan ding chu a na,
Nangin ka chanpuol i mi sukdetpêk hlak.
6Inkhina hruihai chu hmun inhawitakhaiah ka puolin a tla ta hlau a nih,
Anih, ro ṭhatak ka hluo tah a nih.
7LALPA, rem mi ruotpêktu chu inpâk ka ta,
Anih, zânahai chun ka lungrilin a mi thunun hlak.
8 #
Tt 2.25-28,31 LALPA chu ka hmaah kân umtir rawp hlak a,
Ka changtieng a um leiin inhnîng naw ning.
9Chuleiin, ka lungril hi a lâwm a, ka ropuina#Hringna khawm a hlim a;
Ka taksa khawm himtakin um a tih.
10 #
Tt 13.35 Ka thlarau chu Seol kuomah i mâksan âwm si nawh a,
I mi inthieng hi hmawnna hmu i phal âwm bawk si nawh a.
11Nangin hringna lampui chu min hriettir i ta,
I hmaa chun hlima sipliemna a um a;
I kut changtienga chun kumkhaw lâwmna ding a um.
Currently Selected:
INPÂKNA HLABU 16: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
