Popular Bible Verses from INPÂKNA HLABU 16

Share

Nangin hringna lampui chu min hriettir i ta, I hmaa chun hlima sipliemna a um a; I kut changtienga chun kumkhaw lâwmna ding a um.

LALPA chu ka hmaah kân umtir rawp hlak a, Ka changtieng a um leiin inhnîng naw ning.

LALPA chu ka rochan ding le ka no chan ding chu a na, Nangin ka chanpuol i mi sukdetpêk hlak.

LALPA, rem mi ruotpêktu chu inpâk ka ta, Anih, zânahai chun ka lungrilin a mi thunun hlak.

Inkhina hruihai chu hmun inhawitakhaiah ka puolin a tla ta hlau a nih, Anih, ro ṭhatak ka hluo tah a nih.

Aw Pathien, mi humhim rawh, nangmaa chun ka ringna kân nghat si hlak a.