INPÂKNA HLABU 146
146
Lalpa thilthaw felhai leia inpâkna
1LALPA chu inpâk ro,
Aw ka hringna, LALPA chu inpâk rawh.
2Ka dam sûng po chun LALPA chu inpâk ka ta,
Ka hring sûng po chun ka Pathien inpâkin hla sak ka tih.
3Mi lienhai chu ring naw unla,
Mihriem naupa ṭhangpuina hrim hrim um nawna chu, ring bawk naw ro.
4 #
Ttu 12.7; 1 Kor 4.7 A thuokin a suok san a, ama chu leihnuoiah a kîr nâwk a,
Chu ni ngei chun a ngaituona- hai chu a bo nghâl a nih.
5Jakob Pathien ṭhangpuitua nei chu lâwmtakin a um hlak;
LALPA Pathiena beiseina neitu chu.
6 #
Tp 14.7 Ama chu hnuoi dâm, vân dâm,
Tuisuoriet dâm le an sûnga um po po siemtu a nih;
Ama chun thutak kumkhuoa dingin a vawng ṭha hlak a nih.
7Ama chun nêksâwrna tuorhai ta dingin ro a rêl hlak,
Ama chun phîngṭâmhai kuomah bu a pêk hlak.
LALPA chun mi intânghai chu ân suoktir hlak.
8LALPA chun mitdelhai mit a sukvar hlak a,
LALPA chun kûn ngâwi ngâwi hai chu a keitho hlak a;
LALPA chun mi felhai chu a hmangai hlak.
9LALPA chun mikhuolhai chu a vawng ṭha hlak a,
Pa neilo le hmeithai chu a chel zing hlak a;
Mi rilohai lampui ruok chu a sukletling hlak.
10LALPA chu kumkhawtluongin lalah ṭhung a ta,
Aw Zion, i Pathien chu suon po po chenin lalah ṭhung a tih.
LALPA chu inpâk ro.
Currently Selected:
INPÂKNA HLABU 146: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
