INPÂKNA HLABU 145
145
Lalpa ṭhatna le thilthawtheina leia inpâkna Kai Hla. David ta.
1Aw Laltak, ka Pathien, chawimawi ka ti cheh a,
I hming hi kumkhawtluongin inpâk ka tih.
2Ni tin inpâk ka ti cheh a,
I hming hi kumkhawtluongin inpâk ka tih.
3LALPA chu a ropui a, nasataka inpâk ding a nih,
A ropuizie chu suisuok ruol a ni nawh.
4Suon khatin suon dang kâwlah i thilthawhai chu inpâk sâwng pei an ta,
I thilthaw ropuitakhai chu inhriettir an tih.
5Nangma chawimawina mawizie ropuitak le,
I thilmak thawhai chu ngaituong ka tih.
6Mihaiin i thilthaw râpthlâktak hrâtzie chu hril an ta,
Kei khawma i ropuizie inhriettir bawk ka tih.
7I ṭhatna ropuitak an hriet zing chu hril an ta,
I felna thu hi hlimtakin hlain sak an tih.
8LALPA chu mi lunginsiet thei, lainatnaa sip,
Lunginuoi, ngilneina nasatak nei a nih.
9LALPA chu iengkim chunga khawm a ṭha a nih;
A lainatnahai chu a thil siem po po chungah a um a.
10Aw LALPA, i thil siem po po chun i kuomah lâwmthu hril an tih;
Mi inthienghai khawma inpâk an ti che.
11I ram ropuizie thu hrilin,
I thilthawtheina thu chu thusimah la hmang an tih.
12Mihriem nauhai kuoma a thilthaw ropuitakhai le,
A ram mawina ropuizie inhriettir dingin.
13 #
1 Tim 1.17 I ram chu chatuon ram ding a na,
I thuneina chu suon um sûng po poin um zing a tih.
14LALPA chun a tluhai po po chu a chel zing hlak a,
Kûn ngawi ngawia um po pohai chu a keitho hlak.
15I thil siem po po mithai chun an nghâk hlak che a nih;
Nangin a hun takah an bu i pêk hlak.
16I kut i phar a,
Thilhring po po châkna chu i sukbopêk hlak.
17LALPA chu a um dân po poah a felin,
A thilthaw po poah mi lunginsiettheitak a ni hlak.
18 #
Jn 4.24 LALPA chun ama kotuhai po po chu a hnai hlak a,
Titakzeta ama kotu po pohai chu.
19Ama ṭituhai dit chu inhlawtlingtir a ta,
An khêkri chu hrieng a ta, anni sandam a tih.
20LALPA chun ama hmangaituhai po po chu a vawng ṭha hlak,
Mi rilo ruok chu sukbohmang vawng a tih.
21Ka bau hin LALPA inpâkna thu hril a ta;
Chun, tisa po po chun a hming inthieng chu kumkhaw- tluongin inpâk raw se.
Currently Selected:
INPÂKNA HLABU 145: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
