INPÂKNA HLABU 144
144
Sanhimna ding le hlawtlingna dinga ṭawngṭâina David Inpâkna Hla.
1LALPA ka lungpui chu inpâkin um raw se;
Ama chun ka kuthai hi râlkâp ân chûktir hlak a;
Ka kutpârhai hi indo dân ân chûktir bawk a.
2Ka ngilneina le ka kulpui,
Ka kulbîng insâng le a mi sandamtu,
Ka phaw le ka ringna innghatna;
Ka hnuoia ka mihai tukdawl hlaktu chu a nih.
3 #
Job 7.17; Sm 8.4; Heb 2.6 LALPA, mihriem hi ieng am a na i hriet hlak a na?
Mihriem naupa khawm hi ieng am a na i ngaituo hlak a na?
4 #
Job 4.19; Sm 102.11 Mihriem hi iengkhawm ni lo ang a na,
A dam sûng nihai chu hlim inhmang hlak ang hi a nih.
5Aw LALPA, i vânhai sukkûnin hung ṭum la,
Tlânghai chu tâwk la; chuong- chun, khu suok an tih.
6Kâwl inleptir la, annirawi chu sukdar la,
I thalhai chu kâp suok la, sukbuoi hrep rawh.
7Chungtienga inthawkin i kut hung ban la,
Mi sansuok la, tui liena inthawkhai hin mi sanhim rawh,
Mikhuolhai kuta inthawk hi.
8An bau chun thu teplo mei mei an hril hlak a;
Vânni khâmnaa chen khawm khêl an la hril ta rawp a.
9Aw Pathien, nangma chawi- mawiin hla thar sak ka tih;
Perkhuong hrui sâwm nei mi leh nangma inpâkin hla sak ka tih.
10Ama chu a nih, lalhai kuoma sandamna pe a,
Kâwlhnâm mi sukkhawlotheia inthawka a siehlaw David sansuoktu chu.
11Mi sansuok la, mikhuolhai kuta inthawkin mi sanhim rawh,
An bau chun thu teplo mei mei an hril hlak;
An kut changtieng chu kut changtieng indik naw a nih.
12Ei naupasalhai an tleirâwl a, thing inno anga an um a,
Ei naunuhmeihai khawm lal in um dâna a kia lung sut anga an um pha:
13Ei bu inhai a hung sip a, thil tinrêng a um rei rui a,
Ei berâmhai khawma tê a sânga sâng tamtak, a sînga sîng tamtak ei phûlhaia an nei phâleh;
14Ei bâwng ruolhaiin tê pâia nei ṭeuin,
Te insietna le hlawsamna hrim a um naw phâleh,
Ei kawtthlêrhaia beidawng khêk râwl hrim hrim a um dêr naw pha chun:
15Chuong anga um mihai chu lâwmtakin an um hlak a:
Anih, LALPA Pathiena nei mihai chu lâwmtakin an um hlak.
Currently Selected:
INPÂKNA HLABU 144: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
