INPÂKNA HLABU 143
143
Sansuokna le hliekhuna dinga ṭawngṭâina Kai Hla. David ta.
1Aw Lalpa, ka ṭawngṭâina hi ngai la, lunginsiet ka hninaa hin na lo sit la,
I ringumna le felna leiin mi hung dawn rawh.
2 #
Sm 130.3; Rom 3.20; Gal 2.16 I siehlaw chunga hin rorêl naw la,
I mithmua chun mihring hrim hrim thiem chang an um âwm si nawh a.
3Dotu chun ka hringna a suknawmna sih a,
Ka hringna hi hnuoiah a vuok thlûk a;
Thi ta daihai angin hmun inthimtakahai a mîn umtir a.
4Chuleiin, ka thlarau hi ka sûngah a châu a,
Ka lungril hi ka sûngah a lunginzîng tah.
5Tienlai nihai chu ka hriet zing hlak a,
I thilthaw po pohai chu ka ngaituo hlak a;
I kut sinthawhai chu ka sût hlak.
6Ka kuthai hi nanga tieng ka phar hlak a,
Ka hringna hi ram châutak angin, nangmaah a dangchâr hlak.
7Aw Lalpa, mi hung dawn vak la, ka thlarau a châu ding a ni hi;
Ka kuoma hin i hmai thup naw la,
Chuong naw chun khura zu fehai ang elin hung um rawi ka tih.
8Zîngkâr chun i ngilneina thu mîn hriettir la,
Nang ka ring si cheh a;
Ka fena ding lampui chu mîn hriettir la;
Ka lungril hi i kuomah ka sie tlat hlak sih a.
9Aw LALPA, a mi dotuhaia inthawk chun mi sanhim la,
I mi thuphmang dingin i kuomah ka hung tlân a nih.
10 #
Sm 25.4,5; Neh 9.20; Is 26.10 I dit zâwng thaw mîn chûktir la, ka Pathien i ni sih a,
I thlarau chu a ṭha a nih, ram indiktaka chun mi ṭhuoi rawh.
11Aw LALPA, i hming leiin mi sukhar la;
I felna leiin ka hringna hi lunginzîngnaa inthawkin ṭhuoi suok rawh.
12I ngilneina leiin a mi dotuhai chu sukbohmang la,
Ka hringna suklungzîngtu po po sukbohmang la;
I siehlaw ka ni sih a.
Currently Selected:
INPÂKNA HLABU 143: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
