INPÂKNA HLABU 142
142
Buoina tuok chânga ṭhangpuina ngênna David Inpâkna Hla.
1Ka râwlin LALPA chu ka ko a,
Ka râwlin LALPA kuomah lunginsietna ka hni hlak.
2A hmaah ka lunginzîng thu ka hril a,
A hmaah ka buoina kân hriettir hlak.
3Ka thlarau ka sûnga a châu lai khan, nangma ngeiin ka lampui chu i hriet a;
Ka fena lampuia hin ka âwk- na dingin châng an kam inrûk a.
4Ka changtieng hi thlêk la, en ta, tukhawm a mi hre hrim hrim an um ta naw hi;
Kân humhimna a um ta nawh a, tukhawmin ka hringna hi an ngaisak ta nawh.
5Aw LALPA, ka ko cheh a, “Nang chu kân humhimna,
Mi hring rama ka chanvo i nih,” ka tih a.
6Ka khêk ri hi lo ngai la, nasataka sukhnuoiin ka um ta sih a,
A mi suknawmnatuhaia inthawk hin mi sanhim la, keia nêkin an hrât lem sih a.
7I hming kân pâk theina dingin ka hringna hi intângna ina inthawkin ṭhuoi suok la,
Mi felhai chun mîn huol vêl an ta;
Nangin ṭhataka i mi thaw ding a ni leiin.
Currently Selected:
INPÂKNA HLABU 142: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
