INPÂKNA HLABU 141
141
Suola inthawka vênghimna dinga ṭawngṭâina David Inpâkna Hla.
1LALPA, ka ko che hi, ka kuomah hung vak la,
Ka ko chein ka râwlah i nâ lo sit rawh.
2 #
Tp 5.8; 8.3-4 Ka ṭawngṭâina hi thil riminhniktak angin i hmaah suksuokin um sienla,
Ka kut phar hi zântienga inthawina angin um raw se.
3Aw LALPA, ka bau bula hin vêngtu inhungtir la,
Ka hmûr kawtkhâr hi vêng rawh.
4Rîtlona thilhai,
Thil suksuol mihai thawpui dingin,
Ka lungril hi thil ṭha naw tieng hrim hrima chun inthlêktir naw la,
An fâk inhniktak takhai chu mîn fâktir bawk naw rawh.
5Mi fel chun mi vaw raw se, lunginsietna nîng a tih;
Mi kâwk raw se, lua hriek nâl ang nîng a tih.
Ka luin nuom naw naw raw se,
An rîtlonahai leiin ka ṭawngṭai pei ding a ni sih a.
6An rorêltuhai chu lungpui sîra peithlâkin um an ta,
Anni chun ka thuhai chu ngai tâng an ta, a thlum sih a.
7Miin hnuoi ân let a, a suknâwi ang hin,
An ruhai hi thlân khoa suknâwiin a um a.
8Aw LALPA PATHIEN, ka mitin nanga tieng a en si hlak a,
Nangmaa chun ka ringna kân nghat hlak; ka hringna hi saruokin mâksan naw rawh.
9Ka âwkna dinga châng an kama inthawk chun mi humhim la,
Thil suksuoltuhai chânga inthawk leh.
10Keiin ka fe khêl laitakin,
Mi rilohai chu anni lênahai chun tlulût raw se.
Currently Selected:
INPÂKNA HLABU 141: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
