INPÂKNA HLABU 140
140
Sawisaktuhai kuta inthawka vênghimna dinga ṭawngṭâina Hla ṭhuoitu ta dingin: David Inpâkna Hla.
1Aw LALPA, mi suola inthawk chun mi sanhim la,
Mi nunrâwnga inthawk chun mi humhim rawh.
2Anni chun an lungrilah thil suk- suolhai an ngaituo hlak a,
Do dingin an inkhâwm rawp hlak.
3 #
Rom 3.13 An lei chu rûl angin an suk- ngei a,
An hner sûnga chun rûlriel tûr a um a.
4Aw LALPA, mi rilo kuta in- thawk chun mi vawng ṭha la,
Mi nunrâwnga inthawk chun mi humhim rawh;
Anni chun ka ke pênhai hi nam kâwi an tum a.
5Mi chapohai chun ka âwkna dingin châng an kam rûk a, hruihruolhai leh;
Lampui sîra chun lên an phah a,
Ka âwkna dingin chânghai an kam a.
6LALPA kuoma chun, “Nang chu ka Pathien i na,
Aw LALPA, lunginsiet ka hnina râwlhai hi lo ngaisak rawh.
7Aw LALPA ka Pathien, ka san- damtu hrât,
Nang chun indo nia chun ka lu i mîn khumpêk a;
8Aw LALPA, mi rilo dit zâwng- hai chu phal naw la,
An ngaituona suol chu inpui- tlingtir naw rawh;
Chuong naw chun inchawimawi rawi an tih,” ka tih a.
9A mîn huolvêltuhai lu chu,
Anni hmûra an thu suol hril chun inkhum raw se.
10Meilinghai an chungah tla sienla,
Meia peiin um hai sienla,
An tho nâwk ta nawna dingin khur inthûktakah peiin um raw se.
11Thu ṭha naw hriltu chu hnuoia hin sukdetin um naw nih a,
Mi nunrâwng sukse dingin thil ṭha nawin tlâkbuok a tih.
12LALPA chun rinum tuorhai chu an thuah ṭan a tih ti ka hriet,
Pasiehai chu an ta dinga âwm hrima leh.
13Matheiloin mi felhai chun i hming inpâk an ta,
Mi indikhai chu i hmaah um an tih.
Currently Selected:
INPÂKNA HLABU 140: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
