INPÂKNA HLABU 13
13
Sukrimsika um chânga ṭhangpuina ngênna Hla ṭhuoitu ta dingin. David Inpâkna Hla.
1Aw LALPA, ieng chen am i mi theinghil kumkhuo ding a na?
Ieng chen am ka kuoma hin i hmai i thup ding a na?
2Sûnnithlâkin ka lungrila lungngaina neiin,
Ieng chen am ka lungvarah rem ka ruot ding a na?
Ieng chen am ka hmêlma chu ka chungah chawimawiin a um ding a na?
3Aw LALPA ka Pathien, ngaituo la, mi hung dawn ta khai,
Ka mit mi sukvarpêk rawh, chuong naw chun thina inin in rawi ka tih.
4Ka hmêlma chun, “Ama ka ngam tah,” ti rawi a tih,
Kân hnîng chun a mi dotuhai lâwm rawi an tih.
5Nisienlakhawm, kei chun chu i ngilneina hi ka ring a nih,
I mi sandamnaa hin ka lungril chu lâwm a tih.
6Ka chunga ṭhataka a thaw ta leiin,
LALPA chawimawiin hla sak ka tih.
Currently Selected:
INPÂKNA HLABU 13: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
