INPÂKNA HLABU 14
14
Mihriem indik nawna le rîtlona
(Sm 53.1-6)
Hla ṭhuoitu ta dingin, David Inpâkna Hla
1 #
Rom 3.10-12 Mi invêt chun a lungrilin, “Pathien hrim a um nawh,” a ti hlak a.
An se zo a, thil ṭha thaw hrim an um nawh.
2“Hrethiema Pathien zawng hrim hrim an um am?” ti hre dingin,
LALPA chun vâna inthawkin mihriem nauhai hi a zuk en a.
3Anaw tieng an lo pêt vawng tah a, pawrchetakin an lo um ta vawng a,
Tukhawm thil ṭha thaw hrim an um nawh, pakhat bêk khawm an um dêr nawh.
4Thil suksuoltuhai hrim hrim chun hrietna hrim an nei naw am a nih?
Bei an fâk angin ka mihai an fâk zo vawng hlak a,
LALPA hlak an ko ngai bawk nawh.
5Chutaka chun ṭi bêk bêkin an um a,
Pathien chu mi fel thlahai lai chun a um hlak leiin.
6Mi rimsi remruot chu in sukmuolpho hlak a,
LALPA chu ân humhimna a ni leiin.
7 #
Sm 53.1-6 Israelhai sandamna chu Ziona inthawkin hung suok sienla chu aw!
LALPA chun a mihai sala an um chu a ṭhuoi kîr nâwk pha chun,
Chu pha chun Jakob rawi hlim tâng an ta,
Israel lâwm tâng an tih.
Currently Selected:
INPÂKNA HLABU 14: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
