INPÂKNA HLABU 12
12
Mi riloa inthawka himna dinga ngênna Hla ṭhuoitu ta dingin: Seminith le sak ding. David Inpâkna Hla.
1LALPA, mi ṭhangpui rawh, Pathien ngaisak mi an um ta si nawh a,
Mihriem nauhai laia hin mi ringum chu an bo ta sih a.
2Mi tin chun an vênghai kuomah thu teplo mei mei an hril hlak sih a;
Mi inpâk tehlêmna hmûr le, hlêmna lungril putin thu an hril hlak a;
3LALPA chun inpâk tehlêmna hmûr po po chu ât thlâng a ta,
Thu chapotak hrilna lei le chun.
4Anni chun, “Ei lei hin hnêng ei ta,
Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.
5LALPA chun, “Rimsihai an nêksâwr lei le, pasiehai inrûm lei chun,
Tho nghâl el ka ta,
An innuisan chu himtakin inumtir ka tih,” a tih a.
6LALPA thuhai hi thu inthieng- tak a na,
Tangka hnuoi chunga rawtuina meia fieh a,
Vawi sari sukthieng ta hnung ang hi a nih.
7Aw LALPA, anni chu nangin vawng ṭhâng i ta,
Hieng ṭhangtharhaia inthawk hin kumkhuoin humhim tâng i tih.
8Mihriem nauhai lai hin suolna chu chawimawia a umin,
Mi rilohai chu an invâk vêl ruoi hlak.
Currently Selected:
INPÂKNA HLABU 12: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
