INPÂKNA HLABU 11
11
Mi fel inhumhimna Hla ṭhuoitu ta dingin, David Inpâkna Hla.
1LALPAA chun ka ringna kân nghat hlak a,
Iengtizieha ka hringna kuoma hin,
“In tlânga chun vate angin vuong hmang ro,” in ti?
2En ta u, lungril indiktak put inthim hnuoia an kâp theina dingin,
Mi rilohai chun thalngul an kuoi a,
An thal chu a hruiah an inbûk diem saw!
3Lungphûmhai chu suksieta a um chun,
Mi felin ieng am sukse thei a ta?
4LALPA chu a biekin inthiengah a um a,
LALPA chu a ṭhungpha chu vânah a um;
Mihriem nauhai hi a mitin a en a, a mitvun chun a fie hlak.
5LALPA chun mi fel le mi rilo chu a fie hlak a.
Nunrâwngna ngaina mi chu a hringna chun a theida hlak.
6Mi rilohai chunga chun chânghai insûrtir a ta,
Mei le kât le thil lumtak chu an no chan ding nîng a tih.
7LALPA chu a fel sih a, felna hi a ngaina hlak,
Mi indiktakhai chun a hmêl la hmûng an tih.
Currently Selected:
INPÂKNA HLABU 11: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
