INPÂKNA HLABU 115
115
Pathien le milimhai
1Aw LALPA, keini mi pe loin, keini mi pe loin,
I hming chu ropuina pe lem rawh,
I ngilneina le i thutak leiin.
2Iengdinga hnam tinin, “Khâwlai am an Pathien kha teh?” an ti am a na?
3Kan Pathien chu vânah a um sih a,
A nuom taphawt a thaw a nih.
4An milimhai chu tangka le rângkachak an na,
Mihriem kutsuok an nih.
5Bauhai an nei a, an ṭawng thei si nawh,
Mithai an nei a, an hmu thei si nawh.
6Nahai an nei a, an hriet thei si nawh,
Hnârhai an nei a, rim an hriet thei si nawh.
7Kuthai an nei a, iengkhawm an tâwk thei si nawh.
Kehai an nei a, an lâwn thei si nawh a,
An hnukin an ṭawng thei si nawh.
8Chuong siemtuhai chu chuong ang bawk chun um an ta,
Anih, chuong ringtu taphawthai chu.
9Aw Israelhai, LALPA chu ring ro,
Ama chu anni ṭhangpuitu le an phaw a nih.
10Aw Aron sûnghai, LALPA chu ring ro,
Ama chu anni ṭhangpuitu le an phaw a nih.
11LALPA ṭituhai, LALPA chu ring ro,
Ama chu anni ṭhangpuitu le an phaw a nih.
12LALPA chun a mi hriet zing a, mal mi sâwm a tih,
Israel sûnghai chu mal sâwm a ta,
Aron sûnghai chu mal sâwm a tih.
13 #
Tp 11.11; 12.15 LALPA ṭituhai chu mal sâwm a ta,
A lien a chînin.
14LALPA chun sukpung deu deu raw se cheu,
Nangni le in nauhai leh.
15LALPA chun mal sâwm raw se cheu,
Ama chu hnuoi le vân siemtu a nih.
16Vânhai khi LALPA vânhai a na,
Leihnuoi ruok hi chu mihriem nauhai kuomah a pêk a nih.
17Mithihai chun LALPA chu an inpâk nawh a,
Hmun retaka#Thi tahai khawvêl; Mithi khuo (6.5 en rawh) zu fehai hrim hrim chun an inpâk bawk nawh.
18 #
Tp 9.20 Eini ruok chun LALPA chu inpâk tâng ei tih,
Tuta inthawka kumkhaw- tluongin.
LALPA chu inpâk ro.
Currently Selected:
INPÂKNA HLABU 115: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
