INPÂKNA HLABU 114
114
Sansuoknaa thilmakhai
1 #
Ex 12.51 Israelhai chu Aigupta rama inthawkin an suok a,
Jakob sûnghai ngei chu ṭawng dang mihai laia inthawka an suok lai khan,
2Judahai chu ama hmun inthieng an hung ni tah a,
Israelhai chu a rorêlna ram an hung ni ta bawk a.
3 #
Ex 14.21; Jos 3.16 Tuisuoriet chun chu chu a hmuh a, a tlân hmang a,
Jordan vadung chu sukkîrin a um tah a.
4Tlâng lienhai chu berâmchalhai angin an inhnel a,
Tlâng chînhai chu berâm chaltuoihai angin.
5Aw nang tuisuoriet, ieng am i tih a, i tlân hmang a na?
Nang Jordan, ieng am i tih a, i kîr nâwk a na?
6Nangni tlâng lienhai, ieng am in tih a, berâmchalhai anga in inhnel a na?
Nangni tlâng chînhai, ieng am in tih a, berâm chaltuoihai anga in inhnel a na?
7Nang leihnuoi, LALPA hmaa chun inthin rawh,
Jakobhai Pathien hmaa chun,
8Ama chun lungpui chu dîlah ân changtir a,
Meitâwklung chu tuihnârah ân changtir bawk a.
Currently Selected:
INPÂKNA HLABU 114: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
