INPÂKNA HLABU 116
116
Thinaa inthawka sansuokna leia lâwmthu hrilna
1LALPA chu ka hmangai a nih, ka râwl le
Lunginsiet ka hninahai chu a ngai leiin.
2Keia tieng a na a hung sit leiin,
Ka dam sûng po po chun ama chu ko ka tih.
3Thina hruihruolhai chun an mi zem a,
Seol natnahai chun a mi man a,
Lunginzîngna le lungngaina ka tuok a.
4Chu phingle chun LALPA hming chu ka ko a,
“Aw LALPA, lunginsiettakin ka hringna hi sanhim rawh,” tiin.
5 #
Ezr 9.15; Neh 9.8 LALPA chu mi lunginsietthei le feltak a na,
Anih, ei Pathien chu mi lainattheitak a nih.
6LALPA chun mimâwlhai chu a humhim hlak a,
Sukhnuoiin ka um a, ama chun a mi sandam tah a,
7 #
Jer 6.16; Mt 11.29 Aw ka hringna, i châwlnaa chun kîr nâwk rawh,
LALPA chun i chungah ṭhatakin a thaw ta sih a.
8Ka hringna hi thinaa inthawkin,
Ka mithai hi mitthlia inthawkin,
Ka kehai hi tlûknaa inthawk chun i sanhim sih a.
9Mi hring rama hin,
LALPA hmaah lêng ka tih.
10 #
2 Kor 4.13
Ka ring a, thu ka hril ding a ni hi,
Nasataka sukrinumin ka um kha.
11Ka hamhaiin, “Mi po po khêl an nih,” ka lo ti tah a.
12Ka chunga a thil thaw ṭhat po po hi,
LALPA kuomah ieng am pe ve thung ka ta aw?
13Sandamna no lâng ka ta,
LALPA hming chu ko ka tih.
14Ka thutiemhai chu LALPA kuomah hlen ka ta,
Anih, a mihai po po hmaa chun.
15A mi inthienghai thina chu,
LALPA ngai chun hlutak a nih.
16Aw LALPA, i siehlaw ka ni tak zet el,
I siehlaw i suoknu naupa chu ka na,
Khuopa ka umnahai chu i mi sût tah a.
17Lâwmthuhril inthawinahai chu inhlân ka ti cheh a,
LALPA hming chu ko ka tih.
18Ka thutiemhai chu LALPA kuomah hlen ka ta;
Anih, a mihai po po hmaa chun,
19LALPA biekin inhuonna sûng tuollaiah,
Aw Jerusalem, i laitaka chun.
LALPA chu inpâk ro.
Currently Selected:
INPÂKNA HLABU 116: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
