INPÂKNA HLABU 10
10
Mi rilo hnena dinga ṭawngṭâina
1Aw LALPA, iengdinga hla- takah i ngîr hlak am a na?
Iengdinga lunginzîng hun laia inbi hlak am i na?
2Mi rilohai chapona leiin mi rimsihai chu hnawt zêkin an um hlak a;
An thil suol ngaituo suokhaia chun anni ngei âwk raw se.
3Mi rilo chun a lungril thil dit zâwng chu a suong hlak a.
Mi duâm chun LALPA chu a peithlâk a, a hmusit hlak.
4Mi rilo chun chapo hmêl putin,
“Iengkhawm mi ti hliek naw ni,” a ti hlak a,
A ngaituona po po chu “Pathien hrim a um nawh,” ti ruok hi a nih.
5A umdânhai chu ieng lai khawmin a det zing a,
I rorêlnahai chu chungtieng hlatakah, a hmu phâk nawah a um dai a:
Ama dotuhai po po hlak chu a nuisan el a.
6A lungrila chun, “Châng naw ning:
Suon po po chenin lungzîngin um naw ning,” a tih a.
7 #
Rom 3.14 A bau chu ṭawngse inphurna dâm, hlêmna dâm, suknawmnatna dâmin a sip a;
A lei hnuoia chun thil suk- suolna le khawhlona a um a.
8Khaw tina inchân rûkna hmunhaiah a ṭhung hlak a,
Hmun fienriela chun pawitâwk- lo mihai a that hlak a;
A mitin iengkhawm thaw thei lo mi chu ân chânrûk zing hlak.
9Sakeibakneiin a pûka ân chân- rûk angin, ama chun fienriel- ah ân chânrûk zing hlak a;
Mi rimsi man dingin an chân hlak a,
Mi rimsi chu a man ngei a; chuongchun, a lênin a keihmang hlak.
10A bawkphêk a, a kûn a,
Iengkhawm thaw thei lohai chu mi hrâthai sukthlûkin an um hlak.
11A lungrila chun, “Pathienin a theinghil tah;
A hmai a thup a, iengtika khawm hmu naw ni,” a ti hlak a.
12Aw LALPA, tho la, aw Pathien, i kut hang inlet ta,
Mi rimsihai chu theinghil naw rawh.
13Ieng dinga mi rilo chun Pathien hmusitin,
A lungrilah, “Iengkhawm mi ti hliek naw ti nih,” a ti hlak am a na?
14Hmu chu i hmu zing tah a, i kuta thung dingin buoina le lungzîngna chu în chik tah a,
Iengkhawm thaw thei lo mi chu i kuomah a tlulût hlak a;
Pa bo ṭhangpuitu i ni hlak kha.
15Mi rilo, bân chu suktliek la,
Mi suol chu a rîtlona zawng suok la, i hmu naw dêr hmakhat chun.
16LALPA chu kumkhawtluonga dingin laltak a na,
Hnam tin chu ama rama inthawkin bohmang an tih.
17LALPA, zainêmhai dit zâwng chu ngaipêk i ta;
An lungril chu buotsai i ta, i na chu inngaitir bawk i tih:
18Pa neilo le nêksâwrna tuorhai chu ro rêlpêkna dingin,
Hnuoia mi chu ṭiumtaka an um nâwk ta nawna dingin.
Currently Selected:
INPÂKNA HLABU 10: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
