INPÂKNA HLABU 108
108
Hmêlmaa inthawka himna dinga ngênna
(Sm 57.7-11; 60.5-12)
Hla, David Inpâkna Hla
1Aw Pathien, ka lungril hi adet a nih;
Hla sak ka tih, anih, inpâkna hla sak ka tih,
ka ropuina#‘Hringna’ Hebraiah a chieng nawh. ngeiin.
2Perkhuong le ṭingṭanghai, har ro,
Kei chu zîngkâr har ka tih.
3Aw LALPA, mi tin laiahai chun lâwmthu hril ka ti cheh a,
Hnam tin laia chun nangma inpâkin hla sak ka tih.
4I ngilneina chu vân khûm khawpin a nasa sih a,
I thutak chun vân dumhai khi a tawng hiel bawk a.
5 #
Sm 57.7-11 Aw Pathien, nang chu vân khûm dai khin chawimawiin hung um la,
I ropuina chu hnuoi chung po poa hin chawimawiin um bawk raw se.
6I dittakhai hi sanhima an um theina dingin,
I kut changtiengin sandam la, mi hung dawn rawh.
7Pathienin a înthiengnaa#OR A hmun inthienga chun chun hieng ang hin a hril a,
“Hlimtakin, Sekem khuo chu sem ka ta,
Sukkoth ruom chu semdar bawk ka tih.
8Gilead chu ka ta a na,
Manasse ka ta a na;
Ephraim khawm chu ka lu humhimna a na;
Judai chu ka lalhmawl a nih.
9Moab chu kân sâwpna bêl a na,
Edoma chun ka kekawk pei ka ta,
Philistin chu khêk khum ka tih,” tiin.
10Khawpui kul neia chun tuin am mi ṭhuoi lût a ta?
Edoma chun tuin am mi ṭhuoi a ta?
11Aw Pathien, nangma ngeiin i mi thlauthlâk a ni naw am a nih?
Aw Pathien, kan sipaihai kuoma hlak i suok ve ta si nawh a.
12A mi dotuhai thaw dingin mi ṭhangpui la,
Mihriem ṭhangpuina chu teplo mei mei a ni sih a.
13 #
Sm 60.5-12 Pathien zârah huoitakin thâwng ei tih,
Ama chu a mi dotuhai sir detu ding a ni sih a.
Currently Selected:
INPÂKNA HLABU 108: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
