INPÂKNA HLABU 109
109
Phubalâkna dinga khêk ri Hla ṭhuoitu ta dingin: David Inpâkna Hla.
1Aw kan inpâk Pathien, to zing naw la,
2Mi rilo bau le bau mi hlêm- hmang chu ka chungah an ka sih a;
Anni chun lei khêlinhlipin ka kuomah thu an hril a.
3Theidâna thuin a mîn huol vêl a,
Ieng ni bar loin an mi do a.
4Ka lunginsiet leiin a mi dotuhai an hung ni tah a;
Nisienlakhawm, kei chu ṭawng- ṭâi dingin kân pêk tlat a.
5Anni chun thil ṭha chu thil suolin an mi thung a,
Ka hmangaina chu theidanain an mi thung bawk a.
6Nangin a chungah mi suol sie la,
A changtieng chun hêktu ngîr raw se.
7Rorêlpêka a um pha thiemlo changin suok sienla,
A ṭawngṭâina suolnaah inchang raw se.
8 #
Tt 1.20 A dam sûng nihai chu hung tlâwm sienla,
A hotu nina chu mi dangin chang raw se.
9A nauhai chu pa boin um sienla,
A nuhmei chu hmeithaiin um bawk raw se;
10A nauhai chu mi invâi hung niin kut daw sienla,
An fâk ding chu an hmun hluihaia chun zawng raw se.
11A pung hnawta tangka inpûk- tirtu chun a nei po po chu lâkpêk vawng sienla,
Mikhuolhai chun a sininrim ra chu lâkpêk raw hai se.
12A chunga ngilneina inlangtir pei dingtu tukhawm um naw sienla,
A nau, pa bohai chu lunginsiet- tu ding tukhawm um bawk naw raw se.
13A thlahai chu sukbohmangin um sienla,
Ruolthar hung um nâwka chun an hming chu thai hmangin um raw se.
14A thlatuhai rîtlona chu LALPA kuomah hriet zingin um sien la,
A nu suolna chu thai hmangin um naw raw se.
15Chuonghai chu LALPA hmaah um naw sienla,
Ama chun anni hriet zingna chu hnuoia inthawka a sukbo theina dingin.
16Zâinêmna inlangtir nachâng a hriet nawh a,
Mi rimsi, pasie le lungriem ithlâkhai chu sukhlum tuma, a suknawmna lem hlak leiin.
17Anih, mi ṭawngse inphur hi a nuom zawng a na; chuongchun, ama chungah a hung tlung a,
Mi malsâwmpêk hi a lâwm- zâwng a ni nawh a; chuong- chun, ama ihlat daiah a um a.
18Kawrfuola inthuom angin, ṭawngse inphurnain ân thuom a,
Chu chu a sûngahai chun tui angin a lût a,
A ruhaia chun hriek angin a lût bawk a.
19Chu chu a ta dingin ân belna hlak silfên angin um sienla,
A în khit rawpna kâwngkhi ni bawk raw se.
20Chuong chu a mi dotuhai le ka hringna hrilsetuhai,
LALPAIN a thungna a na.
21Nisienlakhawm, aw Pathien LALPA, nangin i hming leiin mi thawpui la,
I ngilneina chu a ṭhat leiin mi sanhim rawh.
22Rimsi le pasetak ka nih a,
Ka lungril hi ka sûngah inhliemin a um bawk sih a.
23Hlim botieng intung tah ang hin ka bo a,
Khâuṭhikṭhi ang hin lên hmangin ka um a.
24Ka khûphai hi bu nghei leiin a hrât ta nawh a,
Ka taksa hin thâu hrim a put ta nawh.
25 #
Mt 27.39; Mk 15.29 Anni ihrilsiet ka lo ni tah a,
An mi hmu phingleh an lu an thin hlak.
26Aw LALPA ka Pathien, mi ṭhangpui la,
Aw i ngilneina ang peiin mi sandam rawh.
27Chu chu i kut a nih ti an hriet thei a,
LALPA, nangin i thaw a nih ti an hriet theina dingin.
28Anni chun ṭawngsie inphur raw hai se, nang ruok chun malsâwm lem rawh,
An tho phingleh muolpho an ta, i siehlaw ruok chu hlim a tih.
29A mi dotuhai chu inzakna puon insiltirin um hai sienla,
Zakuoa intuom angin, anni muolphona chun intuom raw se.
30Ka bau hin LALPA kuomah lâwmthu nasatak hril ka ta,
Anih, mipui laia chun ama chu inpâk ka tih.
31Ama chu pase changtieng chun ngîr a ta,
A hringna rorêlpêktuhaia inthawka sandam dingin.
Currently Selected:
INPÂKNA HLABU 109: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
