INPÂKNA HLABU 104
104
A thilsiemhai chu Lalpan a ngaisak zing
1Aw ka hringna, LALPA chu inpâk rawh,
Aw LALPA ka Pathien, nang chu i ropui êm êm a,
Chawimawina le ropuinain în thuom a.
2Nang chun var chu puon angin în bel a,
Vânhai khi puon in chung angin i kei phar a.
3Nang chun i pindan chunghnung kalkhanghai chu tuiahai khin i khang a,
Sûmhai khi i tawlailîrah i siem a;
Thli thla chungahai chun i lêng a.
4 #
Heb 1.7 Thlihai chu i vântirkohai în changtir a,
Meichawk dur dur hai chu i rawngbâwltuahai în changtir hlak.
5Leihnuoi innghatsanhai chu i phûm a,
Kumkhawtluonga ân hnîng nawna dingin.
6Nang chun leihnuoi hi tui inthûktak chu puon angin în siltir a,
Tuihai chu tlânghai chunga chun an um puou a.
7I kâwkna lei chun an tlân- hmang a,
I vâninrûm ri lei chun an fe hmang ta vak a.
8Tlângahai an hung ngîr suok a,
Ruomahai an ṭum thlah a,
An ta dinga hmun i buotsaina tieng chun.
9An khêl naw dingin ri i khang a,
Hnuoi chîm tlum dinga an lêt nâwk ta nawna dingin.
10Nang chun vadung ruomhaia dâm chun tuihnârhai i tir suok a,
Tlânghai kâra chun an luong a.
11Chuonghai chun ram sa tinrênghai kuomah dâwn ding an pêk hlak a,
Ram sabengtunghai chun an dangchâr an sukbo hlak.
12 #
Mt 13.32; Mk 4.32; Lk 13.19 A kamhaia chun chunglêng va- têhaiin umna an nei hlak a,
Thing buk laia chun an inhrâm hlak.
13Ama chun a pindan chunghnunga inthawk khin tlânghai chu tuiin a châwm hlak a,
Hnuoi hi i thilthaw rahaiin a khawp hlak.
14Hlobet chu ranhai ta dingin ân mâwngtir a,
Thlai chu mihriem hmang dingin ân mâwngtir bawk a,
Hnuoia inthawk fâk ding ân suoktir theina dingin.
15Mihriem lungril suklâwmna uoin leh,
A hmai suktlawrna ding hriek leh,
Mihriem lungril sukhrâtna bei leh.
16LALPA thinghai chu an khawp hlak,
Lebanon tlânga sidar thing a iphunhai chu.
17Chutaka chun vatêhai chun bu an sep hlak a,
Vakâwl ruok chu fâr thing chu a in a nih.
18Tlâng insânghai chu sakêl ta ding a na,
Lungpuihai chu mazupui ta dinga inhumhimna a nih.
19Ama chun thla khi hunbi hrietna dingin a ruot a,
Nisa khin a tlâk pha chu a hriet hlak.
20Nang chun inthim i siem a, zân a hung na,
Chu huna chun ramhnuoia sa tinrênghai chu an tla suok hlak.
21Sakeibaknei vânglaihai chun an sa se ding chu inrûmkhumin,
Pathien kuoma inthawka an fâk ding an zawng hlak.
22Nisa a suok a, an fe hmang a,
An umna pûk senga chun an zâl hlak.
23Mihriem chu sinthaw dingin a suok a,
Zântieng chenin inrimtakin a thaw hlak.
24Aw LALPA, i thilthawhai chu a va tam de!
Varnain i siem vawng a nih:
Leihnuoi hi i hausaknain a sip a ni hi.
25Sawtaka sawn tuisuoriet a um a, nasatak lientak el chu,
Sawtaka sawn thilhring bawk- vâka lâwn tiem sêng lo an um a,
Sa chîn le sa lienhai chu.
26Sawtaka sawn lawnglienhai an fe saw,
Sawtaka sawn leviathan a um a, a sûnga inhnel dinga i siem chu.
27Chuong po po chun an nghâk seng che a nih,
A hun taka an bu i pêk seng hlakna dingin.
28An kuoma i pêk taphawt an rût hlak a,
I kut i phar a, ṭhatnain an khawp hlak.
29I hmai i thup a, an lunginzîng hlak a,
An thuok chu i lâkpêk a, an thih a,
An pilvuta chun an kîr nâwk hlak.
30I thlarau chu i tir suok a, siemin an um hlak;
Hnuoi chung khawm hi i siem thar nâwk hlak.
31LALPA ropuina chu kumkhaw- tluongin um sienla,
LALPA chu a thilthawahai chun hlim raw se.
32Ama chun hnuoi hi a en a, ân thin hlak a,
Tlânghai chu a them a, a khu suok hlak.
33Ka dam sûng po chu LALPA chawimawiin hla sak ka ta,
Ka hring sûng po chu ka Pathien chu inpâkin hla sak ka tih.
34Ka ngaituona hi ama ta dingin thlumtak ni raw se,
Kei chu LALPAA chun hlim ka tih.
35Mi suolhai chu hnuoia inthawk hin sukbohmangin um hai sienla,
Mi rilohai chu um ta naw raw hai se!
Aw ka hringna, LALPA chu inpâk rawh!
LALPA chu inpâk ro!
Currently Selected:
INPÂKNA HLABU 104: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
