INPÂKNA HLABU 103
103
Lalpa inhlawtlingtirnahai leia inpâkna David Inpâkna Hla.
1Aw ka hringna, LALPA chu inpâk la,
Ka sûnga um po pohai, a hming inthieng chu inpâk ro.
2 #
Sm 130.8; Is 33.24; Ex 15.26 Aw ka hringna, LALPA chu inpâk la,
A thilthaw ṭhat po po chu theinghil naw.
3Ama chun i rîtlona po po a ngaidam hlak a,
I natna po po a sukdam hlak.
4Bohmangnaa inthawkin i hringna chu ân tlan hlak a,
Zainêmna le lainatnahai ân khumtir hlak cheh a.
5I bau#Tev — ‘Hringna’ Hebraiah a chieng nawh chu thil ṭhain a sukkhawp hlak a;
chuongchun, i tleirâwlna chu mupui anga siemtharin a um nâwk hlak.
6LALPA chun nêksâwrna tuorhai po po ta dingin,
Thil felhai thawpêkin, rohai a rêlpêk hlak.
7A lampuihai chu Mosie ân hriettir a,
A thil thawhai chu Israel thlahai ân hriettir bawk a.
8 #
Jak 5.11 LALPA chu lainatnaa sip, mi lunginsiet theitak,
Lunginuoitak, ngilneina hautak a nih.
9Ama chun hal rawp naw ni a,
A lungsen chu vawng kumkhuo naw ni.
10Ei suolnahai angin ei chungah a thaw nawh a,
Ei rîtlona angin a mi thung bawk nawh.
11Vân khi hnuoi chung insângtaka a um angin,
Ama ṭituhai chungah a ngilneina chu a nasa a nih.
12Sak le thlang ân hlat angin,
Ei bawsietnahai chu ei kuoma inthawkin a sie hmang dai tah a.
13Pain a nauhai a lunginsiet ang hin,
LALPA chun ama ṭituhai chu a lunginsiet hlak.
14Ei taksa siem dân hi a hriet a,
Pilvut el ei nih ti a hriet zing leiin.
15Mihriem chu, a dam sûng nihai chu hlobet ang a na,
Phûl pâr ang hin a vul hlak a.
16Thliin a mût a, a bo hlak a nih,
A umna chun hre nâwk ta naw nih.
17 #
Lk 1.50 LALPA zainêmna ruok chu a ṭituhai chunga chun chatuona inthawka chatuon chenin um a ta,
A felna khawm an thlahai thlahai chenin;
18A thuthlung zâwm taphawt le,
A thuhrilhai awi tuma hre zinghai taphawt chunga chun.
19LALPA chun a lalṭhungpha chu vâna khin a sukdet a,
A ram chun iengkim chungah ro a rêl a.
20A vântirkohai, a thu ngaia, a thu zâwma, hrâtnaa ropui hlakhai,
LALPA chu inpâk ro.
21A sipaihai, LALPA chu inpâk ro,
A dit zâwng thawh a, a rawng bâwltuhai,
22A rorêlna hmun po poa a thilthaw po pohai,
LALPA chu inpâk ro:
Aw Ka hringna, LALPA chu inpâk rawh.
Currently Selected:
INPÂKNA HLABU 103: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
