INPÂKNA HLABU 102
102
Beidawng khêk râwl Rinum dotu ṭawngṭâina. A chau a, LALPA hmaah a lungzingna thu a hril laia mi
1Aw LALPA, ka ṭawngṭâina hi lo ngai la,
Ka khêkri hi i kuom tlung raw se.
2Ka lunginzîng ni chun keia kuomah i hmai thup naw la,
Keia tieng hin i na hung sit la,
Ka ko pha che chun mi hung dawn vak rawh.
3 #
Jak 4.14; Job 30.30 Ka dam sûng nihai hi meikhu angin ân zâm hmang a,
Ka ruhai hi thingthu angin a sah a,
4Ka lungril hi hlobet anga em hlumin a um a, a vuoi zo tah:
Bu fâk khawm ka theinghil sih a.
5Kân rûm rîk leiin,
Ka ruhai hi ka tisaah a kawp tlat a nih.
6 #
Job 30.29 Thlalêr tuivalawng ang ka na,
Khaw hmun hlui simbuk ang el ka lo ni tah a.
7Ka meng zing a,
Chawngzawng a khât chaua in chunga um ang ka lo ni tah a.
8 #
Tt 26.11 A mi dotuhai chun sûnnithlâkin an mi hrilsiet hlak a,
Ka chunga ṭiumhai chun vânnikhâmnain an mi hmang a.
9Vut hi bu angin ka fâk a,
Ka dâwn ding chu mitthli leh ka pawl ta sih a.
10I lungninaw êm êm le i lunginsen leiin,
Nangin i mi lâk kâng a, i mi pei ta sih a.
11 #
Ttu 6.12; Is 40.6-8; Jak 1.10 Ka dam sûng nihai hi hlim bo tieng intung ta ang a na,
Hlobet angin ka vuoi tah a.
12Aw LALPA, nang ruok chu kumkhawtluongin um i ta,
Nangma hriet zingna khawm suon po po chenin um bawk a tih.
13Tho i ta, Zion tlâng chu lunginsiet i tih,
Ama chu lunginsiet a hun ta sih a, anih, hun ruot chu a tlung tah.
14I siehlawhai chun a lunghai chu an ngainain,
A pilvut chen khawm an lunginsiet sih a.
15Chuongchun, hnam tinin LALPA hming chu ṭîng an ta,
Hnuoia lal po pohai chun i ropuina chu ṭî bawk an tih.
16LALPA chun Zion khuo chu ân ngîr nâwk ta sih a,
A ropuinaa inthuomin ân lang tah.
17Pasiehai ṭawngṭâina chu a ngaisak a,
An ṭawngṭâina chu a hmusit nawh.
18Chu chu ruolthar la hung um dinghai ta dingin ziek nîng a ta,
Hnam siema la hung um ding chun LALPA chu inpâk an tih.
19Ama chun a hmun inthieng insângtaka inthawkin a zuk thlîr a,
LALPA chun vâna inthawk khin hnuoi hi a hmuh a;
20Mi intâng inrûm chu ngai ding le,
Thi dinga ruothai chu sût dingin.
21Mihaiin LALPA hming chu Zion khuoa le,
Ama inpâkna thu chu Jerusalem khuoa an hril theina dingin;
22LALPA rawngbâwl dinga,
Mi tin le ram tin an inkhâwm pha chun.
23Ama chun lam kâra hin ka tha a sukṭhum a,
Ka dam sûng hi a suktâwi a.
24“Aw ka Pathien, ka vânglai nihaia hin mi la hmang naw la,
Nanga kumhai chu suon um sûng po po um a tih,” ka tih a.
25Leihnuoi innghatsan chu tiena i phûm tah a na,
Vânhai khawm i kutsuok an nih.
26Chuonghai chu la bohmang a ta, nang ruok chu um zing i tih.
Anih, chuong po pohai chu silfên angin la hlui a ta,
Puon angin thleng i ta, hung danglam tâng a tih.
27 #
Heb 1.10-12 Nang ruok chu i pângngai zing a,
I kumhai chun bo ni hrim nei naw ni.
28I siehlawhai nauhai chu um zing an ta,
An thlahai chu i hmaah sukdetin um an tih.
Currently Selected:
INPÂKNA HLABU 102: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
