INPÂKNA HLABU 101
101
Feltaka um dinga intiemkamna David Inpâkna Hla.
1Ngilneina le rorêlna thu chu hlain sak ka ta,
Aw LALPA, nangma inpâkin hla sak ka tih.
2 #
1 Sam 18.14; 1 Lal 11.4 Kawng ṭha famkima chun vartakin um ka ta,
Aw iengtik âm ka kuomah hung i ta?
Ka in sûngah lungril ṭha famkim putin um ka tih.
3Thil ṭha naw hrim hrim ka mithmua chun sie naw ningah a,
Fe pêthai thilthaw chu ka theida a nih;
Keimaah kawp naw nih.
4Lungril kâwmâw chun mi mâksan a ta,
Thil suol hrim hrim hre naw ningah.
5Tukhawm a vênghai inrûka rêl taphawt chu, chu mi chu sukbohmang ka tih,
Mit insâng le lungril chapo put mi chu ngaithei naw ning.
6Hi rama mi ringumhai chunga hin ka mit fûng a ta, ka kuoma an um theina dingin;
Kawng ṭha famkim hrawtu chun, ama chun ka rawng bâwl a tih.
7Mi hlêm hmang chu ka in sûngah um naw nih a,
Khêl hril hmang chu ka mithmuah sukdetin um naw nih.
8Tûk tin hi rama mi rilohai hi sukbohmang ka ta,
LALPA khawpuia inthawk hin thil suksuoltuhai po po sukbohmang dingin.
Currently Selected:
INPÂKNA HLABU 101: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
