THUVARHAI 9
9
Varna le invêtna thilthaw hlakhai
1 #
Mt 16.18; Eph 2.20; 1 Pet 2.5 Varna chun a in chu a bâwl a,
A lungban pasarihai chu a phun tah a.
2A ranhai chu a that a, a uoin chu a chawkpawl tah a,
A dawkân khawm chu a siemrêl ta bawk a.
3 #
Rom 10.15 A nunghâkhai chu a tir suok a,
Khawpui hmun insângtakhaia chun an khêk a,
4“Tukhawm mi mâwl chu hi tieng hin hung raw se,” tiin.
Hrietthiemna boa um ta ding chun, a kuomah a hril a,
5 #
Jn 6.27 “Hung la, ka bei hung fa la,
Ka uoin chawkpawl chu hung dâwn rawh.
6Nang mi mâwl, mâwlna chu mâksanin khawsa la,
Hrietthiemna lampui chu hung hraw rawh,” tiin.
7Hmusittu siemṭhatu chun inzakna a hmu hlak a;
Mi khawhlo kâwktu chun kut thlâkna a tuok hlak.
8Hmusittu chu kâwk naw rawh, chuong naw chun, theida rawi a ti che.
Mi var chu kâwk la, ama chun hmangai a ti che.
9Mi var kuoma chun inchûktirna pe la, ama chu hung var nâwk sawt a ta,
Mi fel chu inchûktir la, ama chu thiemnaa chun hung pung a tih.
10 #
Job 28.28; Tv 1.7 LALPA ṭi chu varna bul a nih,
Mi Inthieng hrietna chu hrietthiemna bul a ni bawk.
11Keimaa chun i nihai chu belsa nîng a ta,
I dam sûng kumhai chu sukpung nîng an tih.
12I var chun, nangma ta dinga var i na,
I hmusit chun, nangma ngeiin phur i tih.
13Nuhmei invêt chu a hmûr a thiem a,
Ama chu a mâwl a, iengkhawm a hriet nawh. #Hebraiah chieng lo
14A in kawtkhâra chun a ṭhung a,
Khawpui hmun insânghaia ṭhungnaa chun,
15Mi fe inlawnhai ko dingin,
Chuong an lampuia fe peihai chu,
16“Tukhawm mi mâwl chu, hi tieng hung raw se,” tiin.
Hrietthiemna boa um ta ding chun a hril a:
17“Tui inrûkhai chu a thlum a,
Fienriela bei fâk chu ân hnik bawk a,” tiin.
18Amiruokchu, mithihai#Hebraiah hlim (Shades) ti a nih chu chutaka chun an um ti a hriet nawh a,
Amanu mikhuolhai khawm chu Seol lipuia chun an um ti a hriet bawk nawh.
Currently Selected:
THUVARHAI 9: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
