THUVARHAI 4
4
Varna hlâwknahai
1Ka naupasalhai, pa inchûktirna hi lo ngai unla,
Hrietthiemna hre dingin ngaisak ro.
2Thuinchûktir ṭha chu ka pêk si cheu a,
Ka inchûktirna hi nghatsan naw ro.
3Ka pa ta dingin naupasal ka na,
Ka nu mithmua chun duotum le dittak ka ni ngâwk a.
4Chun, a mîn chûktir a, ka kuomah a hril a,
“Ka thuhai hi i lungril invawngtir zing la;
Ka thupêkhai hi vawng la, hring rawh;
5Varna hung nei la, hrietthiemna khawm hung nei rawh,
Theinghil hlek naw la, ka baua suok thuhaia inthawkin in- tâwl hmang bawk naw rawh;
6Ama chu nghatsan naw la, vawngṭhâng a ti cheh a,
Ama chu hmangai la, vêng a ti che.
7Varna chu thil bulpui tak a na, chuleiin, varna nei rawh;
Anih, i nei tasahai po poa chun hrietthiemna nei rawh.
8Ama chu chawimawi#Hebraiah a chieng nawh la, ama chun inkaisângtir a ti che,
Ama i pawm chun inzaumtakin siem a ti che.
9I lua dingin zângaina lukhum pêng a ti cheh a,
Mawina lallukhum pêng a ti che,” tiin.
10Aw ka naupa, ngai la, ka thuhrilhai hi lo pawm la,
I dam sûng kumhai chu tamtak hung nîng a tih.
11Varna lampuia chun kân chûktir ta cheh a;
Felna lampuihaia chun ka ṭhuoi ta che a nih.
12I fe pha chun, i kalchawihai chu zâng a ta;
Chun, i tlân khawmin, insui naw ti nih.
13Inchûktirna chu cheldet tlat la, infetir dêr naw rawh;
Kawl tlat rawh, ama chu i hringna a ni sih a.
14Mi khawhlo lampuia chun lût naw la,
Mi rilohai lampui chu hraw naw rawh.
15Pumpel la, achun fe dêr naw;
Chutaka inthawk chun inherhmang la, fe pei rawh.
16Thil pawi an thaw zet naw chun an in ngai si nawh a;
Mi ṭhenkhat bêk an sukthlûk naw chun, an îmu chu lâk hmang a ni hlak.
17Khawhlona bei chu an fâkin,
Nunrâwngna uoin chu an dâwn hlak sih a.
18Mi fel lampui ruok chu zîng khawvar ang a na,
Sûn chang lai chena var deu deu ang chu.
19Mi khawhlohai lampui chu inthimna ang a na,
Ieng âm an insui ti khawm an hriet nawh.
20Ka naupa, ka thuhai hi pawisa la,
Ka thuhrilhai tieng hin i na chu sit rawh.
21I mithmua inthawk infe hmangtir naw la,
I lungril sûng taka chun kawl tlat rawh.
22A hmutuhai ta dingin hringna an na,
An taksa ta dingin hrisêlna an ni sih a.
23Fîmkhur thei tâwpin i lungril chu vêng ṭha rawh,
Chutaka inthawk chun hringna rasuokhai chu a um sih a.
24Ṭawng ki nei hrim chîng naw la,
Khêl hril chu bân dai rawh.
25I mithai chun hmatieng chau en sienla,
I khaw nghat chun i hmatieng thlîr tlat raw se.
26 #
Heb 12.13 Ngaiven dêkin i kal chawi la,
I lampui chu sukdet ni raw se.
27Changtieng khawm, vawitieng khawm pêt naw la,
Suola inthawk i ke her hmang rawh.
Currently Selected:
THUVARHAI 4: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
