THUVARHAI 28
28
1Mi suol chu tukhawm ihnawt naw khawmin a tlânsie a,
Mi felhai ruok chu sakeibaknei angin an huoi.
2Ramin a bawsiet pha chu rorêl- tu tamtak a hung nei hlak a,
Nisienlakhawm, hrietna le hrietthiemna nei mihai lei chun ram chu ngirsuok a tih.
3Mi tlasam mi pasie nêksâwrtu chu,
Ruo pheisûr bu hla lo ang chu a nih.
4 #
Rom 1.32 Dân mâksantuhai chun mi rilo chu an inpâk a,
Dân vawngtuhai chu anni leh an inkhing.
5Mi suol chun rorêlna chu a hrietthiem nawh a,
LALPA zawngtuhai ruok chun thil po po an hrietthiem.
6Mi pasie lungril ṭha put chu
Hausa khawhlotaka um nêk chun a ṭha lem.
7Tukhawm dân vawngtu chu naupa var a nih,
Mi hnukinrâwl inruolpuitu ruok chun a pa a sukzak.
8Sum duâmna le hlâwkna dinga a thuomhnaw sukpungtu chun,
Mi pase chunga lunginsietna neitu ta dingin a khâwlkhâwm a nih.
9Dân chu ngai dinga a na sit nawtu chu,
A ṭawngṭâina khawm chu tirdakum a nih.
10 #
Mt 6.33 Tukhawm mi tluong suolna lampuia infe pêttirtu taphawt chu,
Ama khur ngeia chun tlâng a tih,
Mi fel ruok chun thilṭha ro chu hluong a tih.
11Mi hausa chu ama ngairuotna ngeia chun a var a,
Mi pasie hrietthiemna neitu ruok chun ama chu a zawng suok hlak.
12Mi fel chu a hlawtling pha chun, chawimawina nasatak a um hlak a,
Mi khawhlo chu a tho ve pha ruok chun mi an inbihmang hlak.
13Mi a bawsietna inkhumtu chu hlawtling naw nih a,
Thupha chawia, nghatsan hlaktu ruok chun zângaina hmûng a tih.
14LALPA ṭi zing zinga um hlak mi chu a lâwm a,
A lungril sukngartu ruok chu lungngainaah tla lût a tih.
15 #
1 Pet 5.8; Mt 2.16 Rorêltu suol chu mi pase chunga chun,
Sakeibaknei inrûm hlak le savawm inhûk hlak ang hi a nih.
16Lal naupa hrietthiemna tlasam hi nêksâwrtu nasatak a na,
Hlâwkna indiklo theidatu ruok chun a nihai suksei a tih.
17Mi tukhawm mi dang hrim hrim thisena suksipa um chu
Khur tieng chun tlân hmang a ta, tukhawma chel naw raw se.
18Tukhawm tluongtaka fe mi chu sanhim nîng an ta,
A lampuihaia pêthmangtu ruok chu, kârloin tlu nghâl a tih.
19Ama ram inlettu chun bu tamtak nei a ta,
Mi teplo mei meihai zuitu ruok chun, pasietna a huntâwk zet nei a tih.
20 #
1 Tim 6.9 Mi ringum chun malsâwmnahai a hau a,
Mi hausa dinga hmawsaruma thilthaw ruok chu hrem lo ni naw nih.
21Mihai thlierbîkna nei hi a ṭha nawh a,
Bei hlek lei mei meiin min a bawsiet bawk ding a ni nawh.
22Mit rilo neitu chun hausakna- hai a bawin a bawh a,
Tlâksamna a chungah a hung tlung ding a nih ti a hriet nawh.
23Leia mi inpâkdertu nêk chun.
Mi kâwktu chun a hnungah dit- sakna tam lem hmûng a tih.
24Tukhawm a nu amanih, a pa amani inrupêk a, “Bawsietna a ni nawh,” titu chu,
Chu mi chu suksetu ruolpa chu a nih.
25Lungrila huomhap mi chun inkhingna a chawktho a;
LALPA chunga a ringna innghattu ruok chu sukthâu nîng a tih.
26Mi mâni lungril ngawt ringtu chu invêt a nih,
Tukhawm vartaka fetu ruok chu, ama chu sanhim nîng a tih.
27Mi pase kuoma petu chu tlasam ngai naw nih a,
A mithai insimsan el hlaktu ruok chun ṭawngsie tamtak phur a tih.
28Mi khawhlo chu a tho ve pha khawm, mi an inbihmang hlak a,
Amiruokchu, an bohmang chun, mi fel chu an pung hlak.
Currently Selected:
THUVARHAI 28: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
