THUVARHAI 29
29
1Kâwka um rawpa, rîng sukngar hlak chu,
Kârloin se dar a ta, sukdam nâwkna um naw nih.
2 #
Est 8.15 Mi felhai chu an hung hlâwk pha chun mihaiin an lâwmpui a,
Mi khawhloin, rorêlna chu a phur pha ruok chun mihai chu an kahâk.
3Varna hmangaitu chu a pa chunga chun a hlim a,
Nawchizawr le inpâwlna neitu ruok chun a thuomhnaw a sukthâm.
4Lal chun rorêlna felin ram chu a tungding a,
Amiruokchu, thilthlâwnpêkhai#Thamna dawngtu chun a suksiet.
5Mi a tuolbâwm inpâkdertu chun,
A#Thu dik kalchawihai ta dingin lên a pha a nih.
6Mi suol bawsietnaa hin châng a um a,
Mi fel ruok chun hla a sak a, a hlim hlak.
7Mi fel chun mi pasie chungthu chu a hrietpui hlak a,
Mi khawhlo chun hre dingin hrietthiemna a nei nawh.
8Mi hmusittuhai chun khawpui chu meiin an rawh a,
Mi varhai ruok chun lunginsen- na an hnawt hmang.
9 #
Mt 11.17 Mi varin mi invêt ân khingpui chun,
A lunginsenin amanih, ân nuiin amani khawm, sâwldam um naw nih.
10 #
1 Jn 3.12 Mi feltak chu thisen insuo inhâwk mi chun a theidah a,
Mi tluong ruok chun a hringna ding a zawng.
11Mi invêt chun a lunginsenna thu po po a sâksuok hlak a,
Mi var ruok chun a kawl tlat a, a sukdei hlak.
12Rorêltuin thil indik naw thu a ngai chun,
A siehlawhai po po chu an rilo hlak.
13Mi pasie le nêksâwrtu chu an intuok a,
LALPA chun anni mithai ve ve chu a sukvar a.
14Lal, mi pasiehai ringumtaka ro rêlpêk hlaktu chu,
A lalṭhungpha chu kumkhuoin tungding nîng a tih.
15Hmawl le kâwkna hin varna a pêk a,
Amiruokchu, naupang a khâta mâksan el hin a nu chu a sukzak hlak.
16Mi khawhlohai chu an hlâwk pha chun, bawsietna khawm a pung hlak,
Mi fel ruok chun an tlûkna chu hmûng an tih.
17I naupa chu sukdik la, sâwldamna pêng a ti che,
Anih, i lungrila chun lâwmna pêng a ti che.
18Hmulâwkna um nawna hmuna chun mihai an bohmang hlak a,
Dân vawng ṭhatu ruok chu a hlim a nih.
19Siehlaw chu thu ngawt chun siem ṭhat ni naw nih a,
Hrethiem sien khawm a pawisa âwm si nawh a.
20A thuhaia inhmaw mi i hmu hlak am?
Ama nêk chun mi invêta khawm beiseina a tam lem a nih.
21Naupanga inthawka indawitaka a siehlaw sukpuitlingtu chun,
A tâwpa chun naupa#suon hung innitir a tih.
22Mi lunginsen chun inkhingna a chawktho a,
Mi lungsen hmang chu bawsietnain a sip a nih.
23Mi chu a chapona chun ama chu sukhnuoi a ta,
Lungrila inngaitlâwm ruok chun chawimawina hmûng a tih.
24Rûkru inṭâwmpuina neitu chun ama lungril ngei khawm a theida hlak a,
Ṭawngsie inphurna ri chu a hriet hlak a chu iengkhawm a sâksuok ngai nawh.
25Mihriem ṭîna hin châng a hung siem a,
LALPAA a ringna innghattu ruok chu him a tih.
26Mi tamtakin rorêltu ditsakna chu an zawng hlak a,
Amiruokchu, mihriem rorêlna chu LALPAA inthawka hung a nih.
27Mi indik naw chu mi fel ta dingin tirdakum a ni a,
Mi tluong chu mi khawhlo ta dingin tirdakum a ni ve thung.
Currently Selected:
THUVARHAI 29: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
