THUVARHAI 27
27
1 #
Jak 4.13-16 Zînga dingin#Zînga thil hung um ding suong naw rawh nang le nang insuong naw la,
Ni chun ieng am a hung suokpui ding ti i hriet si nawh a.
2Mi dangin inpâk lem raw se cheu, nangma hmûr ngeia inpâk ni loin,
Hmêlmak miin ni raw se, nang- ma hmûrhai ngeiin ni loin.
3Lung chu a rik a, phaiphin chu a khîn a;
Amiruokchu, mi invêt lungin- senna#Chawkbuoina chu a ieng lem lem nêk khawm chun a rik lem.
4Lunginsenna hi a suol a, lung- awi nawna hi a phulliem a;
Amiruokchu, tu am îtthîkna hmaa chun ngîr thei a ta?
5Phuongphotaka inkâwkna hi a ṭha lem,
Hmangaina inthup nêk chun.
6Ruol isukhliemnahai chu ring a um a,
Hmêlma fâwpnahai ruok chu ringhla a um.
7Mi khawp chun khuoithlâr khawm chu a tirdak a,
Mi phîngṭâm ta ding ruok chun thil kha tinrêng khawm chu a thlum.
8Mi a hmuna inthawka invâk suok chu,
Vate a bua inthawka invâk suok ang chu a nih.
9Hriek le riminhnik hin lungril a suklâwm ang bawkin,
Lungril taka inthawka suok ruolpa thurâwn ṭha chun a suklâwm hlak,#Lunginzîngna ruok chun ngaituo lungmuongna a sukṭi
10Nangma ruol ngei ngei le, i pa ruolpa chu nghatsan naw,
I lunginzîng nia chun i unaupa ina chun fe bawk naw rawh.
Unau inhlatpui tak nêkin, tuolbâwm inhnaipui tak chu a ṭha lem.
11Ka naupa, var la, ka lungril suklâwm ta,
Keima mi kâwktu chu ka dawn theina dingin.
12Mi var chun thil ṭha naw chu a hmuh a, ân bihmang hlak a,
Mi mâwl ruok chu a fe pei a, a tuor pha hlak.
13Hmêlmak mi ta dingin a aiawtu silfên la la,
Nuhmei hmêlmak mi ta dinga mawphurtua insiem chu aiawah chel rawh.
14Zîngkâra tho a, a ruolpa ta dinga râwl inringtaka malsâwmtu chu,
Ama ta ding chun ṭawngsiea ngai nîng a tih.
15Ruo chîng nia ruomal tla zing le,
Nuhmei hrângsie chu angkhat an nih.
16Tukhawm amanu thuptu chu thli thup a na,
A kut changtiengin hriek ân suolpui a nih.#Kut changtienga sahriek fûn tum ang a nih
17Thîr chu thîr bawkin a sukngei a;
Chuong ang bawk chun mi chun a ruolpa hmêl chu a sukngei.
18Tukhawm theichang kûng enkawl chun, chutaka a ra chu fâng a ta,
A hotu lo nghâk zingtu chu chawimawi ni bawk a tih.
19Tui sûnga hmaiin hmai a hawi angin,
Mihriem lungril chu mihriem bawkah ân lang a.
20Seol le Abaddon chu an khawp ngai nawh a,
Mihriem mithai khawm chu an lungawi ngai nawh.
21Rawtuina bêl chu tangkaruo ta ding a na, pûm mei chu rângkachak ta ding,
Chun, mihriem chu a înpâk nuom zâwngah fie a nih.
22Bu lai fahrelin sumah invêt chu suk rak la khawm,
Ân vêtna chu amaa inthawk chun inkieng chuong naw nih.
23I ranruolhai umdân hre dingin taima hle la,
I bâwngruolhai chu en ṭha rawh.
24Hausaknahai hi kumkhuoa ding a ni nawh a,
Lallukhum khawm hin suon po po chu a dai hlak am a nih?
25Bupâwl chu lâk a na, hlohna thar innêmhai chu an hung inlang a,
Chun, tlânghaia thlaihnahai khawm chu lâk khâwm an nih.
26Berâmhai chu i silfên ding an na,
Kêlhai chu lo man ding an nih.
27Buha i ring khawp kêl nênetui um a ta, i in sûnga buha ring dingin,
I nunghâkhai châwmna ding leh.
Currently Selected:
THUVARHAI 27: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
