THUVARHAI 26
26
1Nipui laia vûr le, busîk huna ruo ân hmê naw angin,
Inzâkaina hi invêt ta ding chun a âwm nawh.
2Chawngzawng ân vâk ân vâk ang le, peleu a vuong lai angin,
A san boa ṭawngse inphurna chu a fu ngai nawh.
3Vuokna hruihruol chu sakawr ta ding a na, thîrse chu sabengtung ta ding,
Chun, hmawl chu mi invêthai ruongzâng ta ding a nih.
4Mi invêt chu ân vêtzie ang peiin dawn naw rawh,
Chuong naw chun, ama ang hung ni rawi i tih.
5Mi invêt chu ân vêtzie ang peiin dawn rawh,
Chuong naw chun, ama le ama mi varah insie hlau rawi a tih.
6Mi invêt kuta thucha thawntu chun,
Ama kehai ngei chu a sât bawngin, sietna chu a dâwn a nih.
7Mi silbai kehai chu sawr thei loin ân khai zawi a,
Chuong ang bawkin, invêthai baua chun tekhithu#thuvar chu a nih.
8Mi invêt kuoma inzâkaina petu chu,
Lung inthuo kâra lunghlu ip ang a nih.
9Mi invêthai baua tekhithu chu,
Zu inrui kuta hling lût ang el hi a nih.
10Mi inlawn mei meihai ruoitu le, mi invêt ruoitu chu,
Thal kâptu mi po po sukhliemtu ang chu a nih.
11 #
2 Pet 2.22 Mi invêt ân vêtna thu hril hriltu chu,
Ui ama luok bawka kîr nâwk ang chu a nih.
12Mi ama ngaidân chaua var chu i hmu hlak am?
Ama nêk chun mi invêta chun beiseina lien lem a um.
13Mi thabo chun, “Sakeibaknei chu lampuiah a um a,
Sakeibaknei chu kawtthlêrahai a um,” a ti hlak.
14Kawtkhâr chu ân khainaa ân her ân her hlak angin,
Mi thabo chun chuong ang bawk chun a khum chungah a thaw.
15Mi thabo chun thlênga chun a kut chu a phûm a,
A baua hang thun nâwk ding takngiel khawm chu a lungngai hlak.
16Mi pasari a san pe theituhai nêk chun,
Mi thabo chu ama ngairuotna kawnga chun a var lem.
17Mi hung inlawn a, ama ṭhang- na ni hlek si lo inhalnaa vân suklungsen chu,
Ui lâwnlai a nakâwrhaia mantu ang chu a nih.
18Mi invêt thingthuhringhai,
Thalhai le thina petu ang chu,
19Mi a tuolbâwm hlêma, “Ka fiemthu mei mei an nawm ie!” titu chu a nih.
20Thingthu tlâksam leiin mei chu a rêm a,
Chun, milâwt hmang um nawnaa chun inkhingna a re.
21Meihawlhai chu meiling ding le, thinghai chu mei ding an ni angin,
Mi hrângsie chu inkhingna sukṭaltu a nih.
22Milâwtthiem thuhai chu bubâr tuihnâitak ang an na,
Phîngsûng hmun inriltakhaia chun an fe thla.
23Hmûr zumlezuor intuo le lungril suol chu,
Pil bêl rângkachak êka inluon#Tangkaruo rawfai lo ang a nih.
24Theidatu chun a hmûrhai chun ân tlip a,
Amiruokchu, ama sûnga chun hmusitna a siekhâwl.
25Thu a hril ṭha hle khawm a, ama chu ring naw la,
A lungrila chun tirdakumna pasari a um sih a.
26A theidana chu ama le ama vervêknain inkhum sien khawm,
A suolna chu mipui hmaa phuongphotaka inentir nîng a tih.
27Tukhawm hnuoikhur cho taphawt chu chutaka chun tlâng an ta,
Tukhawm lung inhlum taphawt chu, ama chungah hung kîr a tih.
28Lei khêlinhlip chun a înhliem tahai chu a theidah a,
Inpâk derna bau chun sietna sin a thaw.
Currently Selected:
THUVARHAI 26: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
