THUVARHAI 25
25
1Hienghai hi Solomon thuvar- hai Juda ram lal Hezekia mi- haiin an zieksâwng chu a nih.
Khâikhinnahai le um dân ṭha inchûk dinghai
2Thil thup hri hi Pathien ta ding chun ropuina a na,
Lalhai ropuina ruok chu thil- pawi zawng suok chu a nih.
3Ân sâng tiengah vân, ân thûk tiengah leihnuoi,
Lalhai lungril chu suisuok ruol a ni nawh.
4Tangkaruoa inthawk chun a êk chu la suok la,
A sungtu ta dingin hmangruo hung ning a tih.
5Lal hmaa inthawk chun mi khawhlo chu la hmang la,
A lalṭhungpha chu felnaa tungding nîng a tih.
6Lal hmaihmaa chun nang le nang inhrilmawi naw la,
Mi ropuihai hmuna khawm chun ngîr naw rawh.
7 #
Lk 14.8-10 I mithaiin a ihmu ta hlak Lalnau hmaihmaa sukhnuoia i um nêk chun,
“Hi tieng hin hung kai rawh,” i kuoma tiha um chu a ṭha lem sih a.
8Inkhing dingin inhmawtakin suok naw rawh,
A tâwpa thaw dân ding hre si loin,
I tuolbâwm chun sukzak hlau rawi a ti che.
9I tuolbâwm le ngei chun i chungthu chu hriltlâng unla,
Mi danghai thurûk chu phuong naw rawh.
10Chu chu lo hretu chun sukzak rawi a ti cheh a,
I hming sietna chu bo naw hlau rawi a tih.
11A huntaka thu hril chu
Tangkaraw leikhawrhaia rângkachak apple theirahai ang chu a nih.
12Rângkachak inthieng ṭhi le, rângkachak nabê ang el hi,
Na thuawi chunga hriltu var chu a nih.
13Ama tirtu ta dinga thangko ringum chu
Busîk huna vûr deitak ang el hi a nih;
A hotuhai lungril chu a sukhar hlak sih a.
14Thilpêk a ipêk naw pea inhrila uongpuitu chu,
Ruo sûr loa thli le sûmhai ang chu a nih.
15Tuor sâwt peina chun rorêltu chu thlêmthlûk a na,
Chun, lei innêm chun ru chu a sukthliek.
16Khuoizu i hmu am? I ta dinga huntâwk chu fa el rawh,
Chuong naw chun, khawp taluong i ta, inluok rawi i tih.
17I tuolbâwm ina chun i ke chu lût inkhât vieu raw se,
Chuong naw chun, nghawk a ti che a, theida rawi a ti che.
18Mi a tuolbâwm chunga hrietpuina indiklo phurtu chu,
Hembâwk le kâwlhnâm le thal ngei a nih.
19Buoina hun laia mi ringum naw chunga ringna innghat hi,
Ha tlam le, ke ru suktuona inpel ang a nih.
20Khaw dei laia silfên hlîptu ang le, soda chunga zuthûr buok ang el hi a nih,
Lungril rimsi kuoma hla saktu chu.
21I hmêlma a phîng a ṭâm chun bei fâk ding pe la,
Chun, a dang a châr chun, tui dâwn ding pe rawh;
22 #
Rom 12.20 A lu chunga chun meiling siekhâwl i ni ding a ni sih a,
Chun, LALPA chun lâwmman pêng a ti che.
23Hmâr thli chun ruo a hung ṭhuoi a,
Chuong ang bawk chun mi demzuitu lei chun hmêl lunginsen a hung ṭhuoi.
24Nuhmei hrângsie le in liena um nêk chun,
Inchung sîp kilkhâwra chêng chu a ṭha lem.
25Ram hlataka chanchin ṭha chu,
Mi dangchâr kuoma tui deitak ang hi a nih.
26Mi fel mi khawhlo hmaa intuklût chu,
Tuikhur tui suksiet le, tuihnâr suksiet ang hi a nih.
27Khuoizu hi fâk ṭeu el chu a ṭha nawh a;
Miin mâni ropuina ding ngawt a zawng hi ropuina a ni nawh.#Inpâkna hlaw tam luot hi ropuina a ni nawh
28Mi a lungril vêng ṭhatna neilo chu,
Khawpui chim tahnung, kul bang khawm nei lo ang chu a nih.
Currently Selected:
THUVARHAI 25: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
