THUVARHAI 24
24
1Mi rilohai chu inhnar naw la,
Anni le um khawm chu châk naw rawh.
2An lungril chun nêksâwr dân ân chûk a,
An hmûrhai chun thilpawi hril ân chûk sih a.
3Varna hmanga in chu bâwl a na,
Chun, hrietthiemna hmanga tungding a ni hlak.
4Chun, hrietna hmangin a pindanhai chu,
Hausakna ṭhahai le hlutakhai chun suksip an nih.
5Mi var chu a hrât a nih;
Anih, hrietna nei mi chun hrâtna a sukpung hlak.
6 #
Lk 14.31 Ṭhuoina var hmangin indona chu i siem ding a ni sih a,
Chun, thurâwn petuhai tamnaa chun himna a um a nih.
7Invêt ta ding chun varna chu ân sâng taluoh a,
Dâikawtkhâra chun a bau chu a ka naw a nih.
8Thil ṭha naw rawtdawktu chu
Mihaiin mi pawitâwk hmangah inbûk an ta.
9Invêt ngaituona chu suol a na,
Hmusittu chu mihriemhai ta dingin tirdakum a nih.
10Vângduoi nia i chau el chun,
I hrâtna chu a tlâwm a nih.
11Thinaa ṭhuoi hmanga umhai chu san suok la,
That dinga inzosa ṭêpa umhai chu chelkîr rawh.
12“Ngai ta u, hi mi hi kan hriet nawh,” in ti chun,
Lungrilhai ngaituo bûktu chun a ngaituo naw ding am a nih?
I lungril vawng ṭhatu chun a hriet naw ding am a nih?
Mi tin kuomah a sinthaw ang peiin a pêk ding a ni naw am a nih?
13Ka naupa, nang chun khuoizu fa rawh, a ṭha sih a;
Khuoithlâr fa rawh, chu chu i bauah a thlum a nih.
14Chuongchun, i lungrila um ding varna chu hrieng i ta,
I hmu suok chun, chu chun lâwmman chu um a ta,
I beiseina chu sukbo ni naw nih.
15Aw mi rilopa, mi fel chêngna chu inchân naw rawh,
A châwlna hmun khawm chu sukse naw rawh.
16Mi fel chu vawi sari tlu sien khawm a tho nâwk hlak sih a,
Mi khawhlohai ruok chu lung- zîngnaa pei thlûkin an um.
17I hmêlma a tlûk lai chun hlim naw la,
Ama chu pei thlûk a ni laiin i lungril chu lâwm naw raw se.
18LALPA chun hung hmûng a ta, ama suklungawinaw rawi a ta,
A lunginsenna chu amaa inthawk chun her hmang rawi a tih.
19Thil suol thawtuhai leiin inlau naw la,
Mi khawhlo khawm chu inhnar bawk naw rawh.
20Mi rilo kuoma chun lâwmman um naw nih a,
Mi khawhlo khâwnvar chu her hlum a ni ding a ni sih a.
21Ka naupa, nang chun LALPA le lal chu ṭi la,#A tu ve ve thu khawm chu awi naw rawh
Insukdanglam hmanghai chu vân kawppui bawk naw rawh.
22An lunginzîngna chu kârloin a ṭuong ding a ni sih a;
Anni ve ve bohmangna chu tuin am hrieng a ta?
23Hienghai hi mi var thuhrilhai chu an nih,
Rorêlnaa mihriemhai thlierbîk- na nei hi a ṭha nawh.
24Mi khawhlo kuomah, “Nang chu mi fel i nih”, titu chu,
Mipuihaiin ama chu ṭawngsie inphur an ta, hnamhai chun ama chu tirdak an tih.
25Ama kâwktuhai kuoma ruok chun lâwmna um a ta,
Malsâwmna ṭhatak an chungah tlung a tih.
26Dawnna indik petu chu,
A hmûrhaiin a fâwp a.#Ch 26 hi, “Dawnna indik tak pêk chu inruolṭhatna dik tak in hrietna a nih,” ti thei khawm a nih.
27I sin chu tuolah buotsai la,
Chu chu i ta dingin loah siemrêl rawh;
Chu hnunga chun i in chu bâwl rawh.
28A san boin i vênghai chungah thuhretu ni naw la,
I hmûrhai chun hlêm bawk naw rawh.
29“Ka chunga a thaw angin a chunga khawm thaw vêng ka tih,
Mi chu a sinthaw ang peiin ka pêk ding nih,” ti naw rawh.
30Mi thabo lo kâwla chun ka fe tah a,
Mi hrietthiemna bo grêp huon kâwla leh.
31Chun, ngai ta, hlinghaiin a lo ṭhangnel vawng a,
A phêkin hling bukhaiin ân khum a,
A lung banghai khawm chu a chim thla bawk a.
32Chun, ka en a, ka ngaituo rak a,
Inchûktirna ka hmuin ka hriet tah a.
33La zâl deu hlek, la ininnghil deu hlek,
Zâl dinga kuthai la hang inthlep deu hlek,
34Chuong ang chun, i pasietna chu inru angin hung a ta,
I tlâksamna chu mi inrâlthuom angin hung a tih.
Currently Selected:
THUVARHAI 24: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
