THUVARHAI 21
21
1Lal lungril chu tui luong ruomhai angin LALPA kuta chun a um a,
Ama nuomna tieng tieng a hêm hlak.
2 #
Lk 16.15 Mihriem lampui tin el chu ama mithmua chun ân dik a,
Amiruokchu, LALPA chun lungril chu ân khi hlak a nih.
3Rorêlna le thil fel thaw hi,
Inthâwina nêkin LALPA ta dingin pawmtlâk a ni lem dai.
4Meng insâng le lungril chapo,
Mi khawhlo khâwnvar ngei khawm chu suol a nih.
5Mi taima ngaituonahai chun hau hnawkna a âwn a,
Amiruokchu, mi tin inhmaw ta hrim hrim chu tlasam ding chaua inhmaw a nih.
6 #
2 Pet 2.3 Lei khêlinhlip leia hausakna hmu chu,
Hmatieng hnungtienga tuihu lên hmanga um ang chu a na, a zawngtuhai chun thina an zawng a nih.
7Mi khawhlo hrângsietna chun anni chu hrût hmang a tih,
Rorêlna indik thaw an nuom naw leiin.
8Mi khawhlo lampui chu a kâwi hle a,
Mi inthieng sinthaw ruok chu a tluong a nih.
9Nuhmei hrângsie le in liena um nêk chun,
Inchung sîp kilkhâwra chêng chu a ṭha lem.
10Mi khawhlo lungril chun thil suol a châk a,
A mithmua chun a tuolbâwm chun ditsakna hrim a hmu nawh.
11Hmusittu chu hrem a ni pha chun, mi mâwl chu sukvar a na,
Mi var chu inchûktir a ni pha chun, hrietna a hmu hlak.
12Mi fel chun mi khawhlo sûng- kuo chu a ngaituo hlak a;
Iengtizieha mi khawhlohai chu an sietnaa pei thlâk am an niha ti hi.
13 #
Mt 7.2 Tukhawm mi pasie khêk ria a nahai suksêt chu,
Ama khawm khêk ngei a ta, amiruokchu, ngai ni naw nih.
14A rûka thilthlâwnpêk hin lunginsenna a sukre a,
Ângsûnga thilpêk hin lungin- senna nasatak a sukre.
15Rorêlna indik hi mi fel ta ding chun hlimum a na,
Thil suol thawtuhai ta ding ruok chun sietna a nih.
16Mi hrietthiemna lampuia inthawka invâkhmang chu
Mithihai inkhâwmnaa chun châwl a tih.
17Nuomsipna ngaina mi chu mi pasie nîng a ta,
Uoin le hriek ngaina mi chu hausa ngai naw nih.
18Mi khawhlo chu mi fel ta dinga intlanna a na,
Bawsetu chu mi tluong aiawin a hung bawk.
19Nuhmei awnazawng le hrângsie le um nêkin,
Thlalêr rama um a ṭha lem.
20 #
Mt 25.3,4 Mi var chêngnaa chun hriek le hausakna hlutak chu a um a,
Mi invêt ruok chun a lem zo hlak.
21 #
Mt 5.6 Zângaina le felna hnawttu chun,
Hringna, felna le inzâkaina a hmu hlak.
22 #
Ttu 9.14 Mi var chun mi hrât khawpui chu ân khih a,
Chutaka inringzona hrâtna chu a sukhnuoi hlak.
23 #
Zek 3.2 Tukhawm a lei le a bau vêng ṭha chun,
Buoinahaia inthawkin a lungril chu a vêng ṭha a nih.
24Mi chapo le mi uong chu a hming chu Hmusittu a na,
Inphûloin chaponaah sin a thawh a.
25Mi thabo nuom zâwng chun ama a that a,
A kuthai chun sinthaw inrim a nuom nawh a.
26Sûnnithlâk thlâk ela duâmtak- a inhnar hlak chu a um a,
Mi fel ruok chun a pêk a, ân ro ngai nawh.
27Mi khawlo inthawina chu tirdakum a na,
Lungril suola a hung lâk pha lem chun a va ni nasa âwm de!
28Thuhretu indik naw chu bohmang a ta,
Thuhretu indik thu ruok chu sêldawng ni naw nih.
29Mi khawhlo chun a hmai a sukngar a,
Mi tluong ruok chun a lampuihai a rêl fel.
30LALPA kal zâwnga thurâwn amanih,
Hrietthiemna amanih, varna amani khawm a um nawh.
31Sakawr chu indo nia ding chun buotsai a ni hlak a,
Hnêna ruok chu LALPA ta a nih.
Currently Selected:
THUVARHAI 21: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
